Javascript Disabled Detected

You currently have javascript disabled. Several functions may not work. Please re-enable javascript to access full functionality.

PAJ HUAM

Started by HMOOB_LENG VANG_* , Jul 17 2010 02:09 AM

Reply to this topic

88 replies to this topic

#1 HMOOB_LENG VANG_*

Guests

Posted 17 July 2010 - 02:09 AM

SOB MENO CES YOG PAJ HUAM
HAIS CUAM TSHUAM TXOG COV METUB
UAS NIAJ HNUB YAUM LUAG TEJ NTXHAIS
MLOOG KUV HAIS LUB KEEB UA HLUAS
TSAM HO PUAS LUB KEEB HLUAS NRAUG
MUAJ KEVTAUG HO PAUB XYUAM XIM
MUAJ QEECHIM KOM NEJ TAU SIV
LUB KEEBCHIV YUAV MUS UA HLUAS
YUAV TAU XYUAS KOM PAUB TSEEB TSEEB
NTXHAIS LOJ LEEB TXHOB LAM MUS THAM
TSAV YEEYAM KOM NYOB TU TU
TXHOB LAM MUS TSHUM UB TSHUM NO
THAUM YUS NCO TSIS TXOG TXIJ TWG
THAUM KHIS NTSWG NEJ XAV TXOG LIG
NEJ MAM TIG LOS MLOOG KUV KHUAB
MOB TXAUS NPUAB NEJ MLOOG TSIS TAU
LUB NTUJ VAU LOS TUAJ YEEM NRES
THAUM NTAWD CES LEES TEB WS, WS
MUAB LUAG THWS UA PUAS TSAYAM
TUAJ YEEM KAM HAIS TIAS YUAV YUAV
THAM HMO PUAV CES MUS TSIS TUAJ
NKAUJ CES MUAJ NYOB MUS XEEB TUB
TXIV MIS DUB LOJ MUS ZUJZUS
NKAUJ MAM MUS TSHAJ KOOB RAU XOV
THAUM YAWG HNOV NTSEJ MUAG NPHOB TSUS
YAWG THIAJ MUS NTAUS KEV SABLAJ
NKAUJ XYUAMPHAJ NQIPEEV TXAIS YIM
SAIB TSIS DIM YUAV UA LICAS
NYIAJ QABNAS YUAV TAU RHOSIV
NIAM THIAB TXIV NOJ MOV TSIS QAB
TSAM TAU NYAB TUB HO TSIS NYIAM
NKAUJ CEV PIAM CES NKAUJ YUAV LOS
TSIS TASTOS LEEJTUB MUS COJ
MUAB XAV ZOJ NOJ MOV TSIS NQIS
LEEJTUB CHIM TAS HNUB TAS HMO
CIA MAM KHO NYIAJ TXIAG TAS NTAU
LEEJ TXIV NPAU CEM YWS LUJ LOOS
LEEJTUB NROO TSIS XAV NOJ MOV
VIM RAUQHOV TXHIA NUM PHEEJ YIG
NEJ YUAV TIG LOS MLOOG KUV QHUAB
KUV THIAJ MUAB HAIS QHIA RAU NEJ
YAV TOM NTEJ KOM PAUB SOJ XYUAS
KEV UA HLUAS TSIS YOG YOOJYIM
LUB NTUJ TSIM UA CHAW DEES SIAB
QHOV TSEEM NTSIAB YUAV TAU MAM THAM
TXHOB MUAB YAM RAU UB RAU NO
NKAUJ TSIS TSO CES YUAV PUAS KOOB
KEV NCEROOB YUAV TAU XYUAM XIM
TSAM TXHAUM TXIM TSIS MUAJ TWG PAB
KEV YUAV NYAB YUAV XAIV TUS NQUAG
THIAJ YUAV PUAG KWVTIJ NEEJTSA
PAB TXHAWB NRA YUS LUB MENEEJ
THIAJ YUAV TSHEEJ NYOB MUS NTO KOOB
TUB HLUAS HMOOB UAS TSIS THOOB TSIB
HO MUS NTSIB NROG KUV SIB THAM
MUAJ TEJ TSAM ZOO MUAJ SIJHAWM
MAM NTHUAV TAWM HAIS QHIA RAU NEJ
LAWM YAV TOM NTEJ MOG TUB HLUAS HMOOB.

#2 HMOOB_maivntximhlub_*

Guests

Posted 13 August 2010 - 07:02 AM

koj txawj qhuab qhia kawg os tus tijlaug tus txawj xav ces ntshe nws mloog koj tej lus zoo lawm os

LENG VANG, on 17 July 2010 - 02:09 AM, said:

#3 HMOOB_Mov kuam cej_*

Guests

Posted 28 March 2011 - 11:06 PM

kuv lub npe        hu mov kuam cej
qhia 6 nej         kuv nyob nplog teb
tiaj rhawv zeb     xeev khuam teb chaws
nej sawv daws      yeej keev hnov lawm
lub sib hawm       thaum nej tuaj txog
tus tsis rog       tus me yuag tsawv
ces tus ntawv      nws yog kuv ntag
kuv xav rag        tuaj nrog nej tham
lus piam sam       ces muaj li no
nej yeej nco       tau yav tag los
cov ntxhais mos    uas nyob los tsuas
thiab cov hluas    40 tawm xyoo
lawv lub moo       yeej nrov ncha ntws
qhov ntawv nws     ho yog dab tsi
kuv mam li         piav 6 nej mog
nws txawm yog      3 cov ntxhais mos
lawv tig los       siv lawv lub hlwb
coj mus nrwb       noj hauv toj siab
lub tseem ntsiab   ces yog kaus nyiaj
ces nws thiaj      hais lus mos mos
tias yuav tos      thaub laus ib leeg
kom thaub ntseeg   thaub xa nyiaj los
ua txuj mob        li ub li no
yog thaub nco      thiab thaub hlub tiag
    (nyeem txuas ntxiv 6 lwm zaus)

#4 HMOOB_zibmes&piamthaj_*

Guests

Posted 29 March 2011 - 08:00 AM

ntuj yuas lawv peb ib tsoom neeg
nej tsis ntseeg los kuv yuav tham
txog kev npam thiab kev dag luag
thaum koj tuag koj mam li paub
txog yawm saub es nws mam qhia
thaum muaj sia nej tsis quav ntsej
hais rau nej peb cov hmoob nplog
muab tham txog lawv siv lub hlwb
los mus nrwb kom tau nyiaj siv
niam thiab txiv thiaj tso me ntxhais
mus xyaum hais cov me lus mos
yog npaj tos kaus hmoob mes kas
lawv hais mas suab qab zib kawg
tham nrog yawg ua yawg vwm kiag
tham ib pliag hais kev txom nyem
tshuav nqi them npaum ub npaum no
yog yawg nco thiab yog yawg hlub
thov yawg pub me me nyiaj siv
thaum niam txiv pom tias tau nyiaj
ces txiv thiaj ho tso niam tham
ces kev npam pib ntawm no ntag
muab niam dag kom tau me nyiaj
ces niam thiaj pib hais lus hluas
los mus txuas nrog kev ua plees
tham seev yees hais zoo tas zog
thaum tham txog ces xuas tes lij
kuv me tij uas koj puas hnov
thaub laus hnov nrov ua nplij nploj
thaub xav zoj cas yog tiag tiag
thaub xa kiag 1 phav daus las
los mus cas kiag niag pog laus
leej txiv txaus siab ua luaj tiag
tau nyiaj kiag raws li qhov npaj
ces txawm faj tus ntxhais duab tuaj
thaub laus muaj siab kawg nkaus li
thaub tham ntxhi qhov mus yuav xwb
ho lawv hlwb ces yog dag li dag
thaum thaub mag lawv dag ntau dhau
thaub paub tau tias yog niag muaj txiv
thaub thiaj siv tswv yim kom nrauj
pog hais tauj tias mam ua li
nkawv sib ki ua rog quav dev
hauv nkawv tsev ces pib sib ceg
pog kwv ceg mus ua nkau fa
thaub kuj xa nyiaj pub rau pog siv
pog niag txiv ces chim tshuav tuag
pog luag nqhuas tos hmoob meskas
neej puas tas vim yog kev npam
txog npas ham lub siab tsis ncaj
thaum pog faj lus tias nrauj tiav
ces thaub txiav nyiaj tsis xa mus ntxiv
pog pawv txiv thiab pawv nyiaj daus las
neej puas tas vim txoj kev npam
tso niam tham nrog hmoob mes kas
cov ntxhais mas kuj tib yam
thaum lawv tham tau tau nyiaj siv
ces tus txiv lawv yeej tsis nrhiav
xuas kev khiav rau ub rau no
lawv tsuas nco tias nyiaj nyiaj nyiaj
ces lawv thiaj dhau ua niam ntiav
lawv mus nrhiav chaw muag lawv cev
mus ua dev ua maum luag tshov
thiaj pom cov dev npuav yob
uas yog nyob sab tim nplog
xa tuaj txog tim hmoob mes kas
muab kaw tas xa rov tim nplog
lawv pom txog yog lawv tus ntxhais
uas lawv hais tsis tau ntawd tiag
pog hais kiag rau niam thiab txiv
muab lawv siv twb tsis tau nyiaj
ua cas thiaj tsis ua zaj no
moo ncha nto mus thoob qab ntuj
hmoob nplog txuj txog qhov npuav yob
thiab kawm hlob lawv keej heev lawm
kev npam tawm ntawm lawv tuaj xwb
lawv li hlwb rov ua rau lawv
txawm tias plawv yuav nres los txhob chim chim mog nawb

#5 HMOOB_zibmes&piamthaj_*

Guests

Posted 29 March 2011 - 08:01 AM

#6 HMOOB_kim pov (xauv huas)._*

Guests

Posted 30 March 2011 - 05:40 AM

kuv lub npe hu ua kim pov
kuv yuav thov los teb piam thaj
uas yog zaj piav txog kev npam
mes zib tham txog hmoob meskas
xa daus las los pub hmoob nplog
tias nws yog ib txoj kev npam
thaub yeej tham tau muaj qas ncaws
nej sawv daws ho xav li cas
kuv xav mas yog npam thaub laus
ntse tsis txaus 6 fab kev hlub
thaub niaj hnub xa nyiaj daus las
coj los cas los pub nkauj mog
vim tias yog tiam tag thaum i
thaub tshuav nqi thaub them tsis tiav
npam thiaj nrhiav los txog tiam no
thaub thiaj rho me nyiaj qab nas
tsoos qab phas los 6 nkauj mog
yeej tsis yog npam hmoob los tsuas
nej niam qhuas tias nyiaj khwv tau
dev niag qau tsis txhob khav khav
tsam lov tav cas raug hoo maum
raws li thaum kuv xeev xwm los
kuv tau hnov thiab kuv tau pom
muaj 1 hom ntawm cov thaub laus
lawv mag kaus qab hnab dug lug
dhia puag ntsug npaum qaib lem dab
tias thov pab txais nyiaj mus tsev
yam tus dev uas los poob zoo
thaub hu loo xov tooj rov qab
tias thov pab os me has nis
yog koj tsis kam pab kuv ces
kawg plawv nres los tsis txog tsev
vim txoj kev khav tias daus las
ua tau tas 100 tsav yam
kuv ho tham hais txog lwm cov
thaub los thov los yuav nkauj mog
tus nqi yog 5000 daus las
thaub nyiaj tas los tseem cav khav
them 2 phav ua ntej xwb tso
qhov seem tov thov them tom qab
vim qab hnab nws twb qhuav lawm
thov sib hawm li 2 lub hlis
es mam li ho xa los them
(nyeem txuas ntxiv 6 lwm zaus)

#7 HMOOB_zibmes&piamthaj_*

Guests

Posted 30 March 2011 - 07:32 AM

Me leej npawg kim pov xauv huas
kuv yuav txuas txog ntawm koj qhov
hais txog cov neeg muaj kev npam
yog muab tham ces mpam ob tog
thaub poob txog 5000 diam
thaub yeej xiam tag nyiaj qab nas
ntxhais mos mas kuj mag thaub siv
muab li ntiv tes los mus pab
thaum thaub rab siv tsis tau lawm
ntxhais mos khawm thaub ruaj li ruaj
hnov pog quaj txuj txwv tas zog
thaub ua yog raws nraim li xav
poob ntau phav los yeej txaus siab
daim dib liab uas thaub tau noj
nws muaj roj npaum li dej ntws
pog siab ntsws thiab thaub plab plawv
hnov mas txawv tshaj thaum nyuav pib
thaub thiab qhib tua kiag ib phom
muab ceg khom kiag saum xub pwg
ua thaub hws ce tas ce tuaj
ntxhais mos quaj ua ntsaj cuag cas
pog hais mas nws zoo tshaj li
qhov muag qi yeej qhib tsis taus
cas niag laus yuav txawj ua luaj
siv tes zuaj los zoo tshaj plaws
thaum thaub ntsaws los ceev tas tas
tua pom tas ces ho muab noj
cev tes zoj mus xuas nruab qhov
thaub hnov cov tej nyuag me theem
hnov txheem txheem thaub cov nyuag ntiv
thaum thaub kiv pog ua chom cees
thaum nkawv nkees nkawv los sib tham
pog hais yam tsis nco txaj muag
pog thuam nyuag hluas nrog hmoob nplog
paub tsis txog ib yam li thaub
kev ua aub thaub laus txhawj tshaj
pes tsawg thaj thaub paub txhua nrho
yuav cas cas nco yog thaub rov qab
npaum toj ntxhab pob tag tsheej phiaj
kev siv nyiaj kuj tsis npaum cas
nyiaj qab nas txawm du los xij
tsuav tau tsij qhov me zoo zoo
mus ntau xyoo lawm yav tom ntej
cov nas ej uas nyob tim laos
mag thaub laus siv tas nrho tiag
lub xwb ntiag xub muag rau thaub
pog thiaj paub txiv neej li zoo
thaub rov loo los txog mes kas
thaub tham mas lom zem kawg tiag
thaub thau kiag cov duab los saib
me ab naib ncej qab dawb paug
thaub cev tsaug mus loo ib chim
tseem khuv xim thaum los txog tsev
tseem xav tev me pog lub qe
uas tus ple tseem tsis tau ntsws
thaub mas yws daws dom tas hnub
nyob tim ub me ntxhais hmoob mos
kuj tos tos txhua hmo qhuav qhawv
kev npam nkawv ob leeg yeej tau
txhob npau npau lawv sawv daws
cia nkawv ntsaws nkawv lub qhov npam
txhob tham tham lawm nawb mog hmoob.
**Hahaha. lom zem kawg nkaus

#8 HMOOB_pam thus_*

Guests

Posted 31 March 2011 - 07:03 AM

leej me npawg piam thaj mes zib
cov thaub ntsib thiab cov thaub xyuas
thaub cav qhuas tias yog thawj teg
3 muab veg vim 3 xyuas txaus
yawg thaub laus cav zoo zoo siab
tias dib liab thaub laus xub noj
xyuas qub roj cav qhuas qab kawg
tus me npawg cov me nkauj mog
kuv hais txog los saum toj no
3 twb rho 3 qhov tsij tas
cov no mas lawv yog poj laib
thawj thaj haib 3 twb xub tsuav
yam tawb quav 3 hnov tsw lawm
3 muab ntsawm muab tsuav ntsuag tas
nws twb mag 3 thaj ci qav
thaj kwv cav taws los twb siv
3 twb kiv ua nws tuag tsig
3 twb ntxig ua pog tawm paj
vim thawj thaj mas nws ceev heev
pog nti ntxeev npaum cas tsis dim
thaum pog tsim ces 3 twb tiav
pom mam piav tias thawj teg mas
haib tas tas npaum nkaus xob tua
pog taij ua dua 1 teg ntxiv
3 rov kiv dua teg thib 2
tseem mus tob thiab zoo dua lawm
lub sib hawm thaum siv zog tswm
pog tseem qw tshaj suab npua quaj
pog khawm ruaj cuag li zia nplaum
pog lub ... twb mag thawj nkua
pog cov kua twb ntws cuag dej
qhia 6 nej tias tus thaub pag
nws twb mag 3 tsuav dib liab
pog txiav siab tsis tham hmoob nplog
los vim yog li qhov kuv piav
pog thiaj khiav mus cuag tojsiab
nrhiav rab tshiab thiab nrhiav nyiaj siv
vim mag kiv ua pam lem tas
hmoob mes kas yeej paub tsis txog
hais tias pog li twb khoob lawm
nws thiaj khawm thaub laus ruaj ruaj
ua txwj quaj thiab ua txwj ntsaj
tias zoo tshaj nraug hmoob nplog xyuas
kom thaub qhuas tias thaub thawj nteg
thaj kwv ceg tso saum caj dab
thaj muab nrhab 1 yam ci qav
thaj muab pav 1 yam li npua
3 yeej ua txhua txhia thaj lawm
pog thiaj tawm tso duab tojsiab
ntxias thaub nyiaj thiab cia thaub ua
nej tseem qhuas tias nej txawj yaim
pog nrog nraim thaub laus tim ub
vim pog lub nws twb do hau tas lawm na tus npawg aw!
(hahahahaha txhob chim nawb npawg).

#9 HMOOB_zibmes&piamthaj_*

Guests

Posted 01 April 2011 - 07:32 AM

kuv leej npawg hmoob npe pam thus
koj cov lus yeej tseeb ib txhia
kuv xa qhia rau koj tau paub
kom to taub txog zaj ntawm no
raws li nco yeej noj tsis dhuav
deev tsis yuav luag tias yog daj
yog nyuj saj tau ntsev nyuj raws
nyuag khaub ncaws lo zom tib si
tib yam li nej cov siab phem
muab luag cem pom tas luag li
ntuj dub nti los xuas teeb tsom
thaum nej pom ces ho tsis nyiam
nej mas liam kawg nkaus os npawg
ntuj yuav kawg lub teb yuav tsaus
thaum koj laus koj ho muaj ntxhais
dib raug phais thiab ntsuag los txuav
luag tsis yuav thaum muaj plab tsaub
koj mam paub tias yog kev npam
vim koj tham thiab deev tas tso
ces zaum no ho tig txog koj
luag tuaj noj kiag koj me ntxhais
lawv tuaj ntxais koj hub cawv xaws
lawv ua raws raws nraim thaud koj
koj hnov zoj txaj nrov qiv qev
hnov tuam lev ua nrov kig kaug
ntshe yuav tsaug tsis tau zog li
koj hais ntxhi rau koj poj niam
niag thaub laim txhob lam xiam hlwb
koj pog cwb muab rau koj siv
cas yuav piv tsis tau thaum ub
pog ntshaw hlub ho koj yuav dhuav
muab tes tuav thiab muab zuaj zuaj
zog tsis muaj ib qho twg tuaj
yog koj muaj ib tug me ntxhais
txhob cia pais mus rau lwm leej
tseem txiv neej haj tseem yog kuv
yuav tuaj thum thiab hlub nws nawb
kuv siab dawb tsis zoo li koj
tsuas ntxias noj ua si li xwb
es thiaj nrwb txhua txhia kaum hav
koj mas cav koj heev tiag tiag
thaum kawg kiag ho tau poj ruam
los mus tsuam thiab los mus caij
vim noj nqaij uas tsis xaiv ntxhiab
kev nyuaj siab los raws cuag koj
ho piav txoj 3 hmoob mes kas
peb no mas yog neeg siab dawb
ncauj los tawb nyiaj los pub siv
kev niam txiv ua thiaj tsis npam
thiaj tsis fam rov yav tom qab
thiaj tsis sab thiab yuav tsis khaum
peb kav maum peb hais yeem yeem
tsis khum heem tsis khuj tsis mos
cov ntxhais mos thiaj nyiam peb dua
nrho npaws 100 los yeej ua tau
hos hais rau koj no tau paub
raws to taub twb nrwb tsis laib
lam qhua haib tuaj ntawm lub ncauj
hais mus tauj tus ub tus no
kom moo nto es luag tso tseg
seb txhias ceg seev puas txog koj
ua siab loj mog kuv leej npawg
txog thaum kawg lam khawm poj ruam
hos me nyuam nws yug tau tib yam
thiaj tsis npam rov fab lwm tiam
kev lim hiam pov tseg tiam no
kom koj nco xyaum ib yam peb
lwm tiam seb hmoov zoo puas tau
nyob rov rau tiam puag tom ub
kev sib hlub nyob niaj hnub no
hais tag nrho cov ntxhais zoo nkauj
peb muab thauj tuaj mus mes kas
cov lwj kas thiab cov mob ej
seem rau nej lawm xwb nawb mog
hais dhau zog los txhob lam chim
tas tswv yim los thov txhob npau
ho hais dhau thov zam lub xeeb
kev sib ntxeeb nceb ces zoo li no tiag npawg. hahaha.
**txhob chim ov npawg.

#10 HMOOB_kimpovxauvhuaspamthus_*

Guests

Posted 05 April 2011 - 03:10 AM

Nyob zoo tus me npawg mes zib piam thaj koj hais hmoob nplog puas haib thiab? kuv cov paj huam mas lom zem tas tas li yom! hos koj cov los yeej hais tau lom zem kawg thiab. Tsoom phooj ywg sawv daws nej xav li cas xwb puas tsiv thiab? tsis yog wb sau tuaj sib ceg ov, wb tsuas yog sau lom zem ua si xwb! yog lom zem thiab no wb mam sau 6 nej s/d tau nyeem ua si dua.
Bye bye

#11 HMOOB_zibmes&piamthaj_*

Guests

Posted 05 April 2011 - 06:58 AM

bawg kuv saib mas yeej lom zem kawg, tab sis ntshe yuav muaj ib co chim chim rau wb lawm. txawm lawv cem me ntsis lso wb ua siab loj nawb bawg Kimpov. lwm zaus ma rov tuaj sau dua. nov tsis yog wb sib ceg tab sis kev lom zem yeej mus li no. ua tsaug os bawg.

#12 HMOOB_kzkz_*

Guests

Posted 06 April 2011 - 03:53 AM

Nyob zoo cov phooj ywg,

Kuv tuaj pom nej sau paj huam lom zem heev, kuv xav thov nqa nej ib tug tw taws mus rau rau tom kuv lub tsev khaws txuj...Vam thiab cia siab tias yuav tau kev tso cai...Ua tsaug.

http://hmoobtshavntuj.gooforums.com/

#13 HMOOB_kimpovxauvhuaspamthus_*

Guests

Posted 07 April 2011 - 01:59 AM

Nyob zoo os npawg kzkz koj xav thov los tau kawg kav tsij nqa mus ntag kuv yeej tsis hais li cas li
ua tsaug ntau ntau 6 nej s/d uas tau tuaj nyeem wb cov paj huam lom zem.
sib ntsib dua lwm zaus.

#14 HMOOB_pov miv_*

Guests

Posted 07 April 2011 - 05:52 AM

nyob zoo 2 tug bawg neb cov paj huam hais tau zoo kawg kuv thov muab A thiab 1 pob luam yeeb 6 neb OK?

#15 HMOOB_zibmes&piamthaj_*

Guests

Posted 07 April 2011 - 07:26 AM

cov leej bawg uas nej tuaj tsham
tuaj sib tham nyob hauv toj siab
thov nej thiab es tsis txhob chim
wb lam sim sau los tauv pem
txhob hais phem thiab tsis txhob npau
leej twg tau ua li wb hais
yuav tau txais kev npam li ntawv
tab sis lawv cov uas siab ncaj
es yeej npaj ua qhov zoo xwb
tsis muaj hlwb yuav mus kaus luag
foom kom tuag los yeej tsis khaum
vim kev txhaum lawv tsis tau ua
ho hais dua rau cov phooj ywg
nej leej twg pom cov ntsiab lus
ntawm pam thus thiab kuv piam thaj
yog sau faj pub nej sawv daws
koj yuav khaws es coj los mus hais
wb tsis cais thiab wb tsis txwv
qhov wb txwv yog txhob ua phem xwb os cov bawg
**zoo siab ib tsoom bawg sawv daws. txawm wb sau tau tshaj los zam txiv pub. xav tias yog leej twg ua thiajraug leej twg xwb. cov siab zoo ces yeej tau zoo raws li nws coj mog. tus muaj zoo tswv yim ces yog bawg pas thus. kuv ces lam raws nws qab xwb. ua tsaug

#16 HMOOB_kimpovxauvhuaspamthus_*

Guests

Posted 09 April 2011 - 12:29 PM

Nyob zoo os bawg Piamthaj Meszib kuv zoo siab uas wb tau sib ntsib nyob 6 tojsiab zaum no, qhia 6 koj tias kuv yog Hmoob Laos,kuv nyob Xeevkhuam, kuv yog hmoob xeem hawj, kuv muaj 27 xyoo, thiab muaj poj niam lawm, kuv poj niam muaj 2 tug me nyuam lawm hos kuv tseem tsis tau muaj li ov. Kuv ua hauj lwm 6 hauv Mines Advisory Group(MAG) thiab ua ib tug tub coj qhua(tour guide).Thov qhia koj tus kheej 6 kuv tau paub thiab puas tau os bawg? yog koj tuaj txog hauv Xeevkhuam no hu 6 kuv tau nawb. Vim muaj tojsiab es wb thiaj tau los sib ntsib kuv thov ua tsaug 6 tojsiab.com ntau ntau. Nyob li ntawm wb cov paj huam muaj qee qhov kuv yeej sau tau haib zog lawm tab sis kuv vam tias nyaj tsoom phooj ywg s/d yuav zam lub txim pub 6 kuv thiab, vim tias kuv tsuas sau lom zem ua si xwb. Nej tsoom nyeem s/d nyob li ntawm tus bawg piamthaj meszib wb yeej tsis tau ua li ntawv wb tsuas lam sau ua si xwb wb yeej tsis tau noj twg nkaub tuav twg npe ov es thov s/d ho ua siab loj thiab nawb!

Tsoom phooj ywg cov hmov thiab tshua
wb thov ua nej tsaug ntau ntau
uas nej tau tuaj koom nrog wb
yog lo twg wb sau yuam kev
ua siab ntev txhob rawm maj chim
zam lub txim 6 wb thiab mog
wb tsuas yog sau kom lom zem
thov txhob cem thiab txhob bau taws
nej s/d ho ua siab loj
wb tsis noj leej twg lub nkaub
qhia nej paub tsis tuav twg npe
cov nyob ze nyob deb 1 yam
wb tsuas tham raws li wb xav
ua siab dav mog tsoom phooj ywg
yog leej twg ho tau ua li
thov txhob chim rau wb nawb mog
vim tias yog yav tas dhau los
muaj 1 co yeej ua muaj tseeb
wb thiaj teeb tham ua paj huam
cov me muam nkauj ntxawm hmoob nplog
sau haib zog rau nej lawm los
thov nej ho zam lub txim pub
vim nram ub yeej muaj tseeb li
kev ua si ces yeej zoo li no tiag mas lawv e!

Ua tsaug ntau.
Tel: 856 2022138079.
Email: anymaiherr@hotmail.com
Good bye.

#17 HMOOB_zibmes&piamthaj_*

Guests

Posted 11 April 2011 - 03:02 PM

nyob zoo os kuv bawg kim pov
hais txog qhov koj nug tuaj ntawv
hauv kuv plawv yuav nthuav qhia koj
kuv yug loj ua ntej koj mog
yog hmoob nplog tsis koom daim av
es tau txav mus deb ntawm koj
tuaj nrhiav noj nyob txawv teb chaws
tuaj mus tsaws rau U.S.A
tuaj mus nres rau minnesota
deb kawg mas kuv me leej bawg
zoo siab kawg wb los sib ntsib
koj kuj qhib qhia koj rau kuv
tus li kuv thov ua koj tsaug
muaj ntau zaug sau ntawv sib cav
thov txhob xav es txhob tu siab
hmoob txheej tshiab coob leej ntau tus
yeej tau mus ua li wb hais
cov niam tais thab yawm txiv
cov naib iv thiab maiv niam
cov hlwb xiam lawv thiaj ua tau
ho hais dhau los zam lub txim
es txhob chim thiaj tsis npau taws
rov hais raws txog kuv tus kheej
mas kuv yeej ncaim nplog tuaj ntev
hais txog kev kuv mus tim nplog
txom nyem zog yeej tsis tau mus
ua muaj plus nrog tej ntxhais me
tsis tau qhe luag tej ntxhais mos
hnub twg los txog rau xeev khuam
cov me muam kuv yuav tsis nug
ho yuav nug txog bawg kim pov
tseem yuav thov kom koj pab coj
mus ncig soj saib tej roob hav
coj mus yav puag pem yaj sab
rau tej phab uas kho kho siab
mloog me liab me cuam lawv kau
ntshe ua rau kuv kho siab zim
tag ib sim ntawm kuv lub neej
kuv tus kheej mam li sau ntawv
xa nrov plhawv los mus rau koj
piav qhia koj seb kuv yog leej twg mog bawg.

**ua tsaug os bawg kim pov. kuv mam email rau koj nawb.

#18 HMOOB_Guest_*

Guests

Posted 18 April 2011 - 07:55 AM

cas nej tsis tuaj sau paj huam ntxiv lawm. zaj movie no kawg lawm los.

#19 HMOOB_kimpovxauvhuaspamthus_*

Guests

Posted 19 April 2011 - 07:48 AM

No, not yet. Because v r busy let's do it next time OK?

#20 HMOOB_zibmes@piamthaj_*

Guests

Posted 27 April 2011 - 09:16 AM

nyob zoo os kuv ib tsoom bawg
peb cov yawg tuaj hauv toj siab
cov muam thiab uas tuaj ua si
yuav nto hli uas kuv tau ncaim
ntawm peb daim teb toj siab no
kuv mas nco nej kawg os lawv
hnub no sawv rov sau paj huam
cov lus khuam rawv hauv kuv siab
muaj lub ntsiab tias yog lus nco
cov tuaj tso nug nej sawv daws
sau tuaj daws kuv lub siab ntxov
bawg kim pov los kuj ib yam
muaj ntau tsam wb hais lus ntau
hais ntau dhau hais tshaj heev li
cov muaj nqi los xawb hais tas
ib co mas yog lus phem tshuaj
ib co muaj kuab tshaj plaws
yog nej khaws cov lus zoo zoo
ces yeej zoo rau nej txhua leej
yog nej pheej khaws txog cov phem
ces yeej lem lem lem li hais
yog koj pais ua yam zoo zoo
peb lub moo yuav nto moo lug
vim peb yug tau los ua neeg
peb tau ntseeg tias txoj kev zoo
yog txoj hmoo lub neej pem suab
txoj kev xuab yog neej piam tsuaj
yog twg muaj thov tso pov tseg
muab nws veg kom deb tshaj mog
ho los nrog bawg kim pov wb
siv lub hlwb mus ua yam zoo
seb neej nto moo puas muaj rau peb os lawv!!!!!!!!!!!!!

*nyob li cov lawm xwb. xav tias nej yuav nyob zoo thiab os cov phooj ywg

#21 HMOOB_kimpovxauvhuaspamthus_*

Guests

Posted 27 April 2011 - 09:10 PM

Nyob zoo os tij laug zibmes
ntawm kuv ces tseem nyob li qub
tseem niaj hnub mus ua hauj lwm
thiaj tsis tshwm tuaj hauv toj siab
es koj thiab koj tsev neeg nev
puas muaj kev noj qab nyob zoo

#22 HMOOB_kimpovxauvhuaspamthus_*

Guests

Posted 28 April 2011 - 01:00 AM

(Kuv thov txim vim muaj hauj lwm cuam tshuam lawm es thiaj tau sau txuas ntxiv 6 nram no)
tsis hnov moo tau ntev no lawm
lub sib hawm dhau mus 1 ntus
es koj mus ua dab tsi xwb
koj kuv wb rov tau sib ntsib
rov tuaj pib wb tej lus zoo
thiab xa moo 6 tsoom phooj ywg
nyob ntuj twg los kom hnov txhua
wb thov ua nej tsaug ntau ntau
sib hawm dhau mus tau ib ntus
vim wb mus ua hauj lwm lawm
thiaj tsis tawm tuaj 6 tojsiab
qhia lub ntsiab 6 nej paub meej
wb tus kheej yeej tseem nyob zoo
thiaj xa moo rau nej tau hnov
tias kimpov zibmes piamthaj
nco nej tshaj li os lawv nyuag
yog tsis tuag ces wb yeej tuaj
sau paj huam 6 nej tau nyeem
seb puas cheem tau kev nyuaj siab
sau zaj tshiab hais kev nyob zoo
foom koob hmoov 6 nej txhua tus
kom nej mus tau lub neej zoo
es lwm xyoo rov tav li no
nej thiaj ho tau me ab puag nawb tsoom phooj ywg aw!
Mam ntsib nej du ua tsaug.

#23 HMOOB_kimpovxauvhuaspamthus_*

Guests

Posted 03 May 2011 - 06:12 AM

kzkz, on 06 April 2011 - 03:53 AM, said:

Ua tsaug os bawg kzkz uas koj tseem qhia lub website hmoobtshavntuj no pub 6 peb tau nyeem.
Ua tsaug ntau ntau.

#24 HMOOB_zibmes&piamthaj_*

Guests

Posted 04 May 2011 - 08:03 AM

nyob zoo os kuv cov me kwv
lub caij khwv rov los txog lawm
caij sij hawm nplooj ntoos rov hlav
pom mes kav hlav nplooj zom zaws
peb teb chaws ces daus tu lawm
txog sij hawm lub caij spring
tsis tsawg hli ces yuav phav ntawv
ntuj yuas lawv lub neej kho siab
pom nplooj tshiab hlav tau zoo nkauj
yus tig xauj txog yus tus kheej
cas lub neej yuav laus lawm tiag
ntshaws kawg kiag xav txog yav hluas
thaum ub uas yus tseem khov kho
hnub no ho yuav plhis tsis tau
thiaj ua rau kuv no kho siab
es koj thiab puas kho siab yuam
kev me muam koj puas ib yam
li kuv tham no thiab os lawv
kuv lub plawv mas ntxhov lis nyho
vim nco nco txog lub neej qub
ntuj thaum ub uas yus tseem hluas
pov xauv huas me bawg pas thus
koj yog tus tseem nyob tim laos
peb cov laus lawv puas kho siab
yam kuv thiab nab yuam peb hmoob
saib pem roob mas kho siab heev
kuv thiaj seev los daws kev chim
lam muab lim seb siab puas nqig
seb puas tig yus no rov qab
mus rau fab lub neej kaj siab
thaum ub thiab os lawv.
** sij hawm mas ya ceev kawg li. ua cas lub ntuj no yuav coj yus mus txog txhua qhov tshiaj es yus ho hloov tsis tau kom phim lub caij nyoog mas kho siab kawg ho lawv cov bawg. zibmes thov txim ntau nawb

#25 HMOOB_kim pov (xauv huas)._*

Guests

Posted 05 May 2011 - 01:52 AM

Nyob zoo os tsoom kwv tij Hmoob
uas nyob thoob lub qab ntuj no
nej puas nco txog teb chaws nplog
uas nws yog thaj chaw yug nej
yav nram ntej thaum tseem me yau
uas nej tau nyob 1 zaug los
lub me zos uas yog yug koj
koj thiaj loj tiav txiv neej yawg
teb chaws tawg koj thiaj tau ncaim
puas nyob nraim hauv koj lub siab
lub ntuj tshiab uas koj mus nyob
yeej txawv hlo koj lub qub zog
lawm nawb mog tsoom phooj ywg aw
lub qub chaw thaum koj tseem yau
nws yeej tau hloov mus tag lawm
vim sib hawm dhau mus ntau xyoo
tej xyoob ntoo los twb loj tas
1 co mas ho tuag tas lawm
muam nkauj ntxawm los twb laus laus
mus tsis taus kev li thaum i
chaw ua si thaum koj tseem me
tej vaj tse thaum koj tseem nyob
ciaj toj pob thiab ciaj quav poj
hav zoov loj ua zoov nuj txeeg
ib tsoom neeg thaum nyob ua ke
lawv los ntshe yeej twb laus lawm
vim sib hawm dhau mus tau ntev
tej me kev uas 1 txwm taug
lub zog qaug tsis zoo li qub
yam lub hnub uas twb qaij zus
twb yuav mus ploj tim npoo roob
kwv tij hmoob nej puas tu siab
muaj daim tshiab muaj qab noj los
yus lub zog tsuas ntaug zuj zus
twb yuav mus cuag poj cuag yawm
kev txij nkawm nws twb yuav dua
yam nthwv cua uas ntsawj 1 vuag
poob kua muag thaum uas tham txog
vim tias yog nco niam nco txiv
nco kwv tij neej tsa txhua tus
cov ncaim mus los thov nco ntsoov
sib hawm hloov mus ntev npaum twg
tsuav siab ntsws tsis txhob hloov xwb
hauv lub hlwb yuav tsum nco tau
lub neej dhau yav ntuj qub qab
nyob yaj sab puag pem toj roob
lub neej hmoob yav ntuj thaum i
nyob luag ntxhi muaj kev ywj pheej
hmoob lub neej nyob pem kaum hav
hmoob yeej cav tias kaj siab dua
yog nej tshua no rov los mog
saib qub zog qub teb qub chaw
tsam txoj yawg ho lam tu lawm ces tas ib sim nas lawv!

#26 HMOOB_zibmes&piamthaj_*

Guests

Posted 23 May 2011 - 08:15 AM

nyob zoo os leej bawg kimpov
nej yog cov tseem nyob tim laos
npaj kom txaus thiab tsim kom txij
tsoom kwv tij uas peb yog hmoob
nyob pub thoob mus txhua txhia qhov
xa tsab xov no qhia pub nej
tias tom ntej hmoob yuav muaj npe
coj mus nce zwm rau ntiaj teb
hais tias peb nrog luag muaj av
los mus kav ua hmoob ntiag tug
hmoob yuav yug ua hmoob xam xaj
hmoob nyab laj raug luag raws tua
tawg tsi sua hav zoov hav tsuag
cov uas tuag tsis muaj tus faus
txawm me yaus los luag loj xov
hos peb cov nyob rau sab nplog
ua zej zog nyob pem hauv sab
npe caub fab nplog muab rau ris
nplog muab tis tias yog xavtus
nplog kuj mus muab lawv raws tua
tuag tsi sua rau txhua kaum roob
zaum no hmoob nyob txawv teb chaws
thiaj li khaws tau tej me txheej
ua puav pheej xa rau U N
kom U.N los mus faib av
los mus kav peb hmoob pej xeem
los mus cheem qhov luag tua hmoob
cov ntxub hmoob yuav raug khiav tawm
hos cov hawm ces hmoob yuav hlub
hmoob yeej rub los ua hmoob haiv
hmoob tsis xaiv txawm yuav yog nplog
txawm tias yog pub thawj puab yib
hmoob tsis tib hmoob hlub ib yam
zaj kuv tham no nws yeej muaj tseeb
thiaj muab teeb hais qhia rau nej
yam nram ntej mas luag pheej hais
hnub no pais mus txog U.N
muaj tiag tiag cov me hmoob ntsuag no.

** kuv tsis yog tus koom tes hauj lwm thov haiv rau hmoob tab sis nej xav paub thiab yog tsis txaus siab no mus hais rau lawv cov nyob ntawm www.ifhd.us vim tias lawv thiaj yog cov hmoob mus cuag tau U.N hais txog hmoob li teeb meem. ua tsaug

#27 HMOOB_Hmoob Laos_*

Guests

Posted 24 May 2011 - 06:15 AM

zibmes&piamthaj, on 23 May 2011 - 08:15 AM, said:

Oh! tiag los bawg yog muaj tseeb li ko no mas kuj yog 1 qho zoo kawg, nws yog hmoob txoj kev cia siab los ntev lawm, tab sis kuv xav mas ntshe tsov rog nyob 6 Laos yuav rov sawv dua xwb lau!

#28 HMOOB_zibmes&piamthaj_*

Guests

Posted 30 May 2011 - 11:57 AM

kub lam piam   ua sab siv huam
txog cov ruam  thiab cov neeg ntse
tsis tuav npe  tsis noj twg nkaub
hais raws paub li ua tau hnov
txog rau cov   uas coj tsis ncaj
es pheej npaj  lub tswv yim kaus
coj nkaus nkaus quab yuam lwm leej
xav kom yeej    tag nrho txhua yam
thaum sib tham  nws cuab qoos kawg
nws txiv yawg  hais tau dav tshaj
cuag nws ncaj  tshaj dua xib xub
nws qhov dub  nyob nraim nruab siab
yeej dub nciab  cuag li quav qaib
yog muab saib  dub tshaj swm yeeb
tsis saib tseeb  yeej xav tias dawb
yog tsis tshawb  yeej nrhiav tsis pom
yog tsis tsom  yeej pom tsis tshab
txheej niag plab  plawv uas lim hiam
yam rab raim  ntsaws nraim hauv hnab
xyov yog kab  los yog hlau dawb
txhob lam txhawb  cov neeg zoo no
tsam koj nco  ces twb raug dag
koj twb mag  kiag nws rooj qhaub
tos koj paub  ces twb lig lawm
nrhiav kev tawm  mas ntshe yuav nyuaj
yam nrhiav tshuaj  los kho tus mob
ib yam tshob dej  uas raug nchuav
ntshe yuav qhuav mus tas ib sim
cov tswv yim  ntxhias dag muaj ntau
txawm tsis sau  los thov to taub
kom koj paub txog suav ntxias luam
ho cuam tshuam txog cov tub sab
nws muaj plab los yeej tsis khwv
nws tsuas xwv dab ntub tas zog
tsuas xav txog qhov mus nyiag luag
qhov luag txuag ces yog nws li
tsaus ntuj nti nws mam sawv los
nws tsuas tos thaum luag ntsiag ntub
mam xuas dub kom luag txhob paub
nws xum maub nrog uab nrog npua
nws xum ua tub sab tub nyiag
phem kawg kiag lub tswv yim no
nws tsis nco qhov luag khuv xim
nws tseem chim yog nyiag tsis tau
nws tseem npau rau nws tus kheej
ho hais txheej cov neeg nplua nuj
lawv yeej tsuj cov neeg txom nyem
lawv yeej phem rau cov neeg ruam
luag me nyuam muab yuam ua qhev
yuam mus ev tej lub nra loj
yuam ua noj ua haus hauv tsev
yuam ua dev ua npua tib si
qais kawg li cov neeg nplua nuj
txawm muaj ntuj los lawv tsis paub
yuam ua aub yuam tej ntxhais mos
muab hais los lawv no yeej phem
lawv yeej cem neeg yam tsis ntshai
thaum hais cai ces lawv xuas nyiaj
kom lawv thiaj yeej tau rooj plaub
lawv yeej paub tias lawv yuav swb
ces lawv twb mus xiab nyiaj tas
thaum hais mas lawv cia li yeej
ho hais txheej cov neeg ua ruam
twb raug thuam los tseem tsis paub
tsis to taub txog lub ntsiab lus
tseem pheej mus ua tsiaj thauj nra
tseem mus nqa mus ev luag li
hos txuj ci lawv yeej tsis paub
kev kawm ntaub lawv paub tsis txog
lawv tsis nrog luag tej kawm ntawv
tsuas paub sawv mus ua luag qhev
luag pub ntsev ces tau ntsev noj
luag pub roj tau roj kib qe
suab koob npe lawv tsis muaj nto
txheej txuas no piav cov quav yeeb
lub phaj teeb nrog lub kub lub
lawv tseem hlub tshaj lawv me nyuam
neej kaub huam vim lawv kov roj
tsis tau noj tsuav tau yeeb haus
thaum thawj zaug ces yog kho mob
nyob thiab nyob tias ntaus sab lim
sim thaib sim ces thiaj li quav
pw rawv tuav tus kho kub lub
ntaus lub dub ntsaws nkaus lub qhov
hlawv nqus nrov txig txeg txig txeg
lawv caws ceg thiab pw ua ntsais
lawv tseem hais tias yog ntaus xaim
quav tsis paim koob npe yeej puas
ho hais txuas neeg dag khav theeb
tsis quav yeeb tab sis tham nrov
kom luag hnov txog nws lub npe
tham nws qe tias yog tus loj
yog tus coj thiab yog tus thawj
nws mas txawj txhua tsav txhua yam
hos laj kam nws txoj zoo tshaj
tham tsawg zaj qhuas nws muaj nyiaj
qhuas txim txiaj npaum ub npaum no
ib ntsis ho qiv yus nyiaj siv
yuav txais ntxiv mus ua lag luam
yog twg ruam ces nws dag tau
nws hau tau leej twg lub hlwb
ntshe yuav swb mus tag ib sim
nyiaj tsis thim yog rhuav nws npe
tseem twv nce ua plaub ua ntug
cov neeg yug zoo no muaj coob
muaj puv thoob plaws hauv ntiaj teb
koj kuv peb thov kom nkag siab
txog lub ntsiab zaj paj huam no
ho khaws nco thiaj tsis raug dag
thiaj tsis mag luag kaus yus nawb
neeg siab dawg sawv daws nawb mog lawb!!!!!!!!!!

txawm sau tau raug leej twg los thov zam txim.  qhov no tsuas yog lom zem xwb.  hos yog koj twb ho npaj ib lub tswv yim zoo li no los thov tso tseg vim tsis yog ib lub tswv yim zoo es luag qhuas mog

#29 HMOOB_kzkz_*

Guests

Posted 30 May 2011 - 05:29 PM

kimpovxauvhuaspamthus, on 03 May 2011 - 06:12 AM, said:

Ua tsaug os bawg kzkz uas koj tseem qhia lub website hmoobtshavntuj no pub 6 peb tau nyeem.
Ua tsaug ntau ntau.

Nyob zoo phooj ywg kimpovxauvhuaspamthus,

Wow...! Cas koj lub npe yuav ntev ua luaj li es cim tsis tau cov ntawv los sau li...hahah...!

Mus lawm ntev ntev, hauj lwm ntau cia li tsis rov tuaj teb nej li lawm. Zoo kawg, pom nej sau paj huam zoo heev...Kuv tuaj nug nej kev tso cai rau kuv tag, tab sis kuv tseem tsis tau muaj caij tuaj nqa nej cov paj huam mus khaws cia...Cia muaj sij hawm tso mam tuaj nrog nej qev kawm puav qoob mus khaws tseg nawb cov phooj ywg.

kimpovxauvhuaspamthus, kuv lub Zos ces yog zos twj cuab xwb os, khoom no lam ncig tuaj xyuas thiab nawb...Zos teem txuj xwb ces tsis lom zem, ntshe nej tsis xav tuaj xyuas xwb.

#30 HMOOB_kimpov_*

Guests

Posted 31 May 2011 - 04:07 AM

kzkz, on 30 May 2011 - 05:29 PM, said:

Nyob zoo os tus tij laug los sis bawg kzkz, koj hu kuv ua KIMPOV no xwb los tau vim kuv nyiam lub npe no dua, hahahaha.
Thov ua koj tsaug uas koj tau teb kuv cov lus, kuv thov ua tsaug dua 1 zaug ntxiv uas koj tau qhia koj lub zos Hmoob Tshav Ntuj 6 kuv tau paub. Kuv twb tau tuaj mus saib koj lub tsev thiab nkag los hauv koj ua tij tsev ntau zaus lawm, kuv pom nej tej txuj ci mas zoo tiag tiag li lau, kuv thov qhuas nej nawb. Kuv twb sim tso kuv li me me txuj 6 hauv koj ua tij lub tsev lawm tab sis kuv tso tsis tawm li, kuv twb pom nej li lus ceeb toom 6 tus muam Maiv lawm, kuv sim li nej qhia los tsis tau thiab, tej zaum ntshe yog vim kuv txuj siab tsis txaus es thiaj li tso tsis tau los xyov yog tim li cas?.
Yog koj muaj tej yam zoo thiab tshiab no ho rov tuaj qhia pub 6 kuv dua vim kuv nyob lub teb chaws txom nyem ces kev kawm thiaj poob qab es thiaj paub tsis cuag li nej cov ua tij.
Ua tsaug ntau. Sib ntsib dua.

#31 HMOOB_kzkz_*

Guests

Posted 31 May 2011 - 05:52 AM

kimpov, on 31 May 2011 - 04:07 AM, said:

Nyob zoo me nus Kimpov,

Zoo siab rau nws cov lus, tsis tau pom nws tuaj txog kuv lub zos tab sis kuv twb zoo siab ua ntej lawm.

Thov txim, tuaj cuav zos ncig ntuj xwb tsis tau qhia nws meej, kuv qhia ntshe nws yuav ceeb...Tab sis ceeb los kuv twb txawj khaw ceeb thiab ais nws txhob khiab nawb mog...Vim kuv yog ib tug ntxhais hnav tiab taim. Kuv nim ntshaw kom kuv yog Hmoob ib leej tub es kuv yuav tau rag txuj, cas poj dab pog twb tsis kam puab kuv, ces kuv yog tus ntxhais lam soj nej qab taug nej hneev, ua suav laus nug tw dais xwb...Kuv nim ntshaw ntshaw kom kuv tau lub ris hnav, los ob niam txiv kab yeeb twb tsis kam, nkawd muab daim tiab rau kuv, kuv thiaj yus ua Hmoob ib leej ntxhais tsis muaj txuj...Los thov nej txhob muab kuv tso tseg nawb cov phooj ywg...Yawm Saub tsis muab lub cev txiv neej rau kuv los NWS qev lub siab rau kuv es kuv nim tsis ua kuv me tes yiag tes txawj nrhia...Kuv nim xyaum tes nki tes khaws txuj ci...Los thov nej txhua leej zam lub txheej nawb mog cov me npoj yaig phooj ywg...Thov nej lub zog tuaj txhawb, kom Peb Hmoob nyob nrog luag muaj txuj muaj ci sib nrawg...Thov nej lub laj lim tuaj ntxhim kom Peb Hmoob lub NPE nyob mus ib txhid...

Kimpov,

Hauv Hmoob Tshav Ntuj ces yeej zoo tib yam nkaus li hauv nov, tsuas yog cov chaw sau color sib txawv xwb. Nws rov tuaj saib zoo zoo, nws yeej sau tau xwb mog.
Ib yam li kuv hais rau Niam Hluas Maiv, yog nws Register mas nws sau tau cia li Send xwb tsis tau sau Code ib yam li hauv nov ces yooj yim dua.
Hais txog kev siv cab sab, mas yog peb tuaj kawm txuj ua ke xwb. Ib leeg yeej paub lawm ib yam, tuaj ces sib pab qhia, sib pab kawm mus xwb txhob xav li cas mog...

#32 HMOOB_kzkz_*

Guests

Posted 31 May 2011 - 05:55 AM

kimpov, on 31 May 2011 - 04:07 AM, said:

Attached Thumbnails

#33 HMOOB_kimpov_*

Guests

Posted 31 May 2011 - 06:23 AM

[quote name='kzkz' date='31 May 2011 - 05:55 AM' timestamp='1306821343' post='5093']
Nyob zoo me nus Kimpov,

Zoo siab rau nws cov lus, tsis tau pom nws tuaj txog kuv lub zos tab sis kuv twb zoo siab ua ntej lawm.

Thov txim, tuaj cuav zos ncig ntuj xwb tsis tau qhia nws meej, kuv qhia ntshe nws yuav ceeb...Tab sis ceeb los kuv twb txawj khaw ceeb thiab ais nws txhob khiab nawb mog...Vim kuv yog ib tug ntxhais hnav tiab taim. Kuv nim ntshaw kom kuv yog Hmoob ib leej tub es kuv yuav tau rag txuj, cas poj dab pog twb tsis kam puab kuv, ces kuv yog tus ntxhais lam soj nej qab taug nej hneev, ua suav laus nug tw dais xwb...Kuv nim ntshaw ntshaw kom kuv tau lub ris hnav, los ob niam txiv kab yeeb twb tsis kam, nkawd muab daim tiab rau kuv, kuv thiaj yus ua Hmoob ib leej ntxhais tsis muaj txuj...Los thov nej txhob muab kuv tso tseg nawb cov phooj ywg...Yawm Saub tsis muab lub cev txiv neej rau kuv los NWS qev lub siab rau kuv es kuv nim tsis ua kuv me tes yiag tes txawj nrhia...Kuv nim xyaum tes nki tes khaws txuj ci...Los thov nej txhua leej zam lub txheej nawb mog cov me npoj yaig phooj ywg...Thov nej lub zog tuaj txhawb, kom Peb Hmoob nyob nrog luag muaj txuj muaj ci sib nrawg...Thov nej lub laj lim tuaj ntxhim kom Peb Hmoob lub NPE nyob mus ib txhid...

Thov txim ntau os me muam kzkz aw, kuv xav tias ntshe koj yog txiv neej no es kuv thiaj tau muab koj hu li lawm los koj txhob tu siab nawb mog thiab ho zam lub txim pub 6 koj me nus hlwb qauj no thiab mog. Txawm yuav yug los hnav daim tiab lawm los yeej zoo kawg nkaus os me muam. Koj me nus hlwb qauj zoo siab tias nws muaj 1 tug muam muaj peev xwm tiag tiag li, muaj peev xwm npaum li 1 leeg tub thiab, laj laj nrhiav tau 1 tug muam muaj peev xwm thiab tshaj lij li koj lawm lau!
Kuv ua tsaug ntau 6 koj cov lus qhia os me muam, cia kuv mam sim ua li koj hais seb kuv puas yuav nkag tau los saib koj lub tsev os.
Ua tsaug ntau nawb mog.

#34 HMOOB_zibmes&piamthaj_*

Guests

Posted 31 May 2011 - 08:05 AM

Bawg kim pov thiab tus muam kzkz es neb txawm tsis tuaj tsham kuv li lod. tij lawg ces nyob lub zos 10,000 lub pas zaj. neb tuaj ncaj no lam los saib kuv thiab nawb me kwv kim pov thiab me muam ntxawm Kzkz. tij laug tsis muaj laj lim tswv yim los kuj xav nrog neb tham thiab. tij laug txawm laus laus lawm los tseem xav faj lus rau nej cov yau khaws cia ua ntej rov qab mus qub teb chaws thiab os. thov txim nawb neb twb tsis caw los cia li cuam tshuam neb lawm.

tij laug zibmes&piamthaj

#35 HMOOB_kzkz_*

Guests

Posted 31 May 2011 - 09:41 AM

zibmes&piamthaj, on 31 May 2011 - 08:05 AM, said:

Nyob zoo me nus tij Zibmes&piamthaj,

Zoo siab kuv me nus tseem hais tau ib los lus txhawb siab heev, ua nws tsaug nawb mog...Twb yog nws me muam ncig tuaj txog nej lub zos muaj lus paj huam zoo heev, thiaj cia li los tsev yuav nqa nej ib tug tw taws me rau rau lub tsev no...Tab sis ho muaj leej nus Kimpov tuaj ua ntej ais wb thiaj sib txuas lus me ntsis lawm xwb...Leej tij Zibmes, nws tuaj txog lawm, tuaj xyuas kuv lub tsev twj cuab thiab mog. Kuv lam tuaj nyob ua paas tos xwb twb tsis muaj txuj dab tsi los ntim, tseem vam ntsoov nej cov ua tij tuaj cev tes pab ntshe thiaj li yuav ua tau ib lub txhab ciaj taus ib yig. Kuv thov nqa tes ua nej cov ua tij, ua nus txhua leej tsaug...Yog nej muaj yam yuav khaws tau tseg, thov nej tham lom zem tag los ho nqa mus teem ua ib pawg cia. Hnub qab nram ntsis tej xeeb leej xeeb ntxwv xav tshawb nrhiav thiaj yuav muaj yam puav rau lawv tau coj mus yuam phiaj nawb.

Zibmes&piamthaj, es cov mes nws lub teb chaw muaj zib lov? Cas kuv nco li mes muaj quav ciab xwb tsis muaj zib...Kuv thov caw nws tuaj xyuas kuv lub Tsev Tshav Ntuj thiab nawb mog...Tuaj txog, yog zos twj cuab xwb, ua li nws tsev ntag nawb...

#36 HMOOB_kzkz_*

Guests

Posted 31 May 2011 - 09:44 AM

[quote name='kimpov' date='31 May 2011 - 06:23 AM' timestamp='1306822993' post='5094']
[quote name='kzkz' date='31 May 2011 - 05:55 AM' timestamp='1306821343' post='5093']
Nyob zoo me nus Kimpov,

Zoo siab rau nws cov lus, tsis tau pom nws tuaj txog kuv lub zos tab sis kuv twb zoo siab ua ntej lawm.

Thov txim, tuaj cuav zos ncig ntuj xwb tsis tau qhia nws meej, kuv qhia ntshe nws yuav ceeb...Tab sis ceeb los kuv twb txawj khaw ceeb thiab ais nws txhob khiab nawb mog...Vim kuv yog ib tug ntxhais hnav tiab taim. Kuv nim ntshaw kom kuv yog Hmoob ib leej tub es kuv yuav tau rag txuj, cas poj dab pog twb tsis kam puab kuv, ces kuv yog tus ntxhais lam soj nej qab taug nej hneev, ua suav laus nug tw dais xwb...Kuv nim ntshaw ntshaw kom kuv tau lub ris hnav, los ob niam txiv kab yeeb twb tsis kam, nkawd muab daim tiab rau kuv, kuv thiaj yus ua Hmoob ib leej ntxhais tsis muaj txuj...Los thov nej txhob muab kuv tso tseg nawb cov phooj ywg...Yawm Saub tsis muab lub cev txiv neej rau kuv los NWS qev lub siab rau kuv es kuv nim tsis ua kuv me tes yiag tes txawj nrhia...Kuv nim xyaum tes nki tes khaws txuj ci...Los thov nej txhua leej zam lub txheej nawb mog cov me npoj yaig phooj ywg...Thov nej lub zog tuaj txhawb, kom Peb Hmoob nyob nrog luag muaj txuj muaj ci sib nrawg...Thov nej lub laj lim tuaj ntxhim kom Peb Hmoob lub NPE nyob mus ib txhid...

Thov txim ntau os me muam kzkz aw, kuv xav tias ntshe koj yog txiv neej no es kuv thiaj tau muab koj hu li lawm los koj txhob tu siab nawb mog thiab ho zam lub txim pub 6 koj me nus hlwb qauj no thiab mog. Txawm yuav yug los hnav daim tiab lawm los yeej zoo kawg nkaus os me muam. Koj me nus hlwb qauj zoo siab tias nws muaj 1 tug muam muaj peev xwm tiag tiag li, muaj peev xwm npaum li 1 leeg tub thiab, laj laj nrhiav tau 1 tug muam muaj peev xwm thiab tshaj lij li koj lawm lau!
Kuv ua tsaug ntau 6 koj cov lus qhia os me muam, cia kuv mam sim ua li koj hais seb kuv puas yuav nkag tau los saib koj lub tsev os.
Ua tsaug ntau nawb mog.
[/quote]

Nyob zoo leej nus Kimpov,

Ua li os, nws tuaj sim seb puas los tau tsev, muaj tej thuam mas kuj txawv heev thiab, muaj tej tug kuj tuaj tsis tau li...Haahahah...! Tab sis yog los tsis tau tsev no los txhob ua siab deb, sib zog diaj phab ntsa ces peb mam qheb qhov tsev rau nw slos xwb...hahahah...! Ua tsaug rau nws lub siab zoo.

#37 HMOOB_zibmes&piamthaj_*

Guests

Posted 31 May 2011 - 01:26 PM

kuv me muam kzkz
txhua tag kis kuv tuaj toj siab
tuaj nyeem ntsiab ntawm tej lus zoo
tuaj xa moo rau peb haiv hmoob
nyob puv thoob rau hauv qab ntuj
tuaj kawm txuj uas yog hmoob tug
vim kuv yug tau los yog hmoob
txawm tias koob tsis muaj nrog nto
tsuav kuv no tau nrog nej tham
muab kev vam pub rau kuv thiaj
vam sab tshiab zos hmoob tshav ntuj
nej muaj txuj ua tau zoo heev
qhov koj kheev kam kuv los tsev
qhib tau kev tuaj mus tsam nej
ib pas dej xwb los zoo siab
lub neej tshiab yuav zoo yog sawv daws sib pab mog.
** ua tsaug os me muam kzkz. mes ces muaj zib tsawg tsawg xwb es koj ua muam thiaj li pom cov quav ciab uas lawv coj los lo taub hneev xwb los zam txim pub tij laug nawg mog.

#38 HMOOB_kzkz_*

Guests

Posted 31 May 2011 - 02:31 PM

zibmes&piamthaj, on 31 May 2011 - 01:26 PM, said:

Kuv me nus zibmes&piamthaj,

Mes txawm muaj zib tsawg los twb txawj puab ciab rau neeg ntshaw
Mes zib txawm tsis qab los twb txawj ua mov rau neeg ntiaj teb saj
Zoo siab txais tos nws tuaj kuv lub tsev qhuav
Tuaj txog nov no nco ntsoov mus xyuas
Zoo siab txais tos nws tuaj tsham
Yog nws tuaj txog teb chaws Tojsiab nco ntsoov mus xyuas peb thiab nad.
Nws txawj hais paj huam ces nws hais
Kuv tsis txawj paj huam ces cia kuv tuaj zaum nws qab cais
Nws txawj paj ntsha ces cia nws tham
Kuv tsix txawj paj huam ces cia kuv tuaj pw nws qav txag...nawb kuv me phooj ywg txawj xav...

#39 HMOOB_kimpov_*

Guests

Posted 01 June 2011 - 04:59 AM

zibmes&piamthaj, on 31 May 2011 - 08:05 AM, said:

Nyob zoo os me tij laug Zibmes&piamthaj, zoo siab koj cov lus sau tuaj saib kuv os mog, koj me kwv ces hauj lwm ntau thiaj tsis tau tuaj teb koj lawm xwb es txhob maj tu siab mog, koj me kwv twb tuaj saib koj tsev ntau zaus lawm os tab sis tsis muaj sib hawm qhia koj paub xwb, kuv tij laug mas suab qab zeb tiag tiag li lauj, tsim nyog tij laug lub npe heev li lawm ntag, tsis yog lam tham yeej qab zib tiag tiag li hos tij laug. Laj laj nrhiav tau ib tug tij laug muaj peev xwm li koj lawm os.

#40 HMOOB_kimpov_*

Guests

Posted 01 June 2011 - 05:06 AM

kzkz, on 31 May 2011 - 09:44 AM, said:

ame='kimpov' date='31 May 2011 - 06:23 AM' timestamp='1306822993' post='5094']

Nyob zoo leej nus Kimpov,

Ua li os, nws tuaj sim seb puas los tau tsev, muaj tej thuam mas kuj txawv heev thiab, muaj tej tug kuj tuaj tsis tau li...Haahahah...! Tab sis yog los tsis tau tsev no los txhob ua siab deb, sib zog diaj phab ntsa ces peb mam qheb qhov tsev rau nw slos xwb...hahahah...! Ua tsaug rau nws lub siab zoo.

Nyob zoo os kuv me muam kzkz, ua tsaug ntau 6 koj tej lus qhia os mog, koj me nus tojsiab twb tuaj saib thiab nkag los tau 6 hauv koj tsev lawm os mog, tab sis koj me nus tojsiab tsis muaj 1 yam txuj zoo tsim nyog tso tseg 6 hauv koj tsev li os, tsuas yog tuaj saib qhuav thiab tuaj kawm me muam li txuj coj mus siv xwb los me muam ho zam lub txim pub thiab mog.
Ua tsaug ntau. Mam sib ntsib dua os me muam tus muaj peev xwm.

#41 HMOOB_kimpov_*

Guests

Posted 01 June 2011 - 06:38 AM

zibmes&piamthaj, on 23 May 2011 - 08:15 AM, said:

Nyob zoo os....... Zibmes&piamthaj
zoo siab tshaj...... rov tau sib ntsib
rov tuaj pib..... koj tej lus zoo
xa lub moo...... rau ib tsoom hmoob
uas nyob thoob...... qab ntuj khwb no
kom lawv ho...... tau paub tau hnov
hais txog qhov...... koj tau piav txog
nws yeej yog...... hmoob txoj kev ntshaw
uas sawv daws...... tos los ntev lawm
lub sib hawm...... tau ntau pua xyoo
tsis muaj hmoo...... hmoob poob teb chaws
muab sawv daws...... faib leeg ib qho
nyob txhua nrho...... hauv qab ntuj khwb
kheev lam nws...... muaj tseeb li tham
es nws lam...... tshwm sim muaj tiag
yuav zoo siab......tshaj plaws li os
peb tos tos...... los tau ntau xyoo
muaj txoj hmoo...... hmoob cov txawj ntse
lawv ho nce...... mus cuag UN
sib tuav tes...... muab kev ywj pheej
hmoob lub neej...... txoj kev txom nyem
yuav muab tshem...... pov rau zaj qho
txij li no....... lawm yav tom ntej
hmoob yuav nce...... zwm rau ntiaj teb
hais tias peb...... hmoob yuav muaj av
coj los kav...... ua hmoob ntiag tug
txij no mus...... hmoob nyob ywj pheej
ua lub neej...... muaj koob nto npe
peb lub me....... npe nrov ncha ntws
sib txuas zws...... mus lawm zuj zus
yam li tus...... dej ntws loj zus
yim ntws mus...... yim deb yim loj
hmoob cov coj...... cov uas paub tab
yuav los pab...... tsim kho hmoob neej
kom vam meej...... ib yam lwm haiv
hmoob yuav xaiv...... muaj hmoob huab tais
txij no pais...... hmoob yuav sib hlub
yuav sib rub...... kom siab ib yam
tsis yog lam...... tham kom zoo siab
lub tseem ntsiab...... yuav mus li no
thov nej ho...... ntseeg thiab nawb mog
thaum twg txog...... ces yeej yuav paub
yuav to taub........ txog zaj me no
thov lam ho...... tig pob ntseg mloog
mog tsoom hmoob cov hmov thiab tshua e!
Wb lam sau ua si raws li wb txoj kev xav thiab ntshaw xwb yog nej tsis ntseeg li ntawv los tsis dua ntawm nej mog.
Ua tsaug.

#42 HMOOB_zibmes&piamthaj_*

Guests

Posted 01 June 2011 - 01:20 PM

me kwv Kimpov thiab me muam ntxawm Kzkz. kuv ua neb tij tsis tau tu siab nawb.zoo siab tshaj uas tau muaj kuv tus kwv thiab tus muam zoo li neb. kuv ua neb tij xav qhia rau neb tias txoj kev tu siab kuv muab tshem tawm lawm vim yog ib tug mob tom yus yam tsis muaj tshuaj kho. tij laug ces lam yog neb ib leeg tij los yeej tsis paub dab tsi, qhov zoo tseem muaj neb hais rau tij laug kaj siab lawm ntau. tij laug ua neb tsaug mog. tij laug ces tseem yuav maj mam nrig pas tuaj saib neb. tij laug ces laus lawm tsis muaj yam zoo lawm tab sis neb ob tug yau nco ntsoov ua yam zoo kom los txhawb peb hmoob nto moo lawm tom ntej nawb.

ua tsaug

#43 HMOOB_kzkz_*

Guests

Posted 01 June 2011 - 06:05 PM

Nyob zoo tij laug Zibmes thiab tij laug Kim pov,

Zoo siab rov tuaj ntsib neb hnub no,
Kuv tssi txawj lus tom huam cuam txwv ces kuv tuaj mloog neb tham xwb...
Es tij laug Zibmes, txawm mes muaj zib tsawg tsawg los twb yog ib yam muaj nqes heev...Xav thov kom me mes puab me ntsis quav ciab rau peb lub Txhab...Ua li nws puas kam thiab. Peb twb nrhiav ntev los lawm uas xav tau ib tug tij laug los pab saib xyuas pab nthe hauj lwm thiaj qeg, thiaj li yuav khaws tau zoo txuj tseg. Vim cov hluas tsis paub kab lis kev cai lus hmoob txhua, hais lus ua ntab ua ntuas...Thiaj rhawv kev tuaj nrhiav, kuv me Zib mus zib Mes coj mus cuab zia no naj...Es nws puas kam thiab...Kuv thov tiag tiag hauv nruab siab tuaj...Thov nws lus sab sij huam nawb...

Tijlaug Kim Pov,

Nws hla pas zaj ntsuab tsis thov nws dab tsi, xav thov nws nyuag poj qaib tshws xwb...lwm zaud nws tuaj no nws pab nqa tuaj pub peb ua noob nawb mog.

Yog kawg, tij laug Zibmes, txoj kev nyuaj siab muab tsuj nthi ntawm taw, yuav tig ntiag lees rau kev zoo plawv, thiaj tsim nyog yus los ua ib zaug neeg muaj tswv yim plawb plaw...Txhob muab txoj kev nyuaj siab los tsuas yus lub neej, yuav sem yus lub caij muaj nqes tag dawb pov tseg...

#44 TusHluasSiabZoo

Advanced Member

Members
225 posts

LocationMinnesota, USA

Posted 02 June 2011 - 09:00 AM

Nej tuaj sau paj huam zoo kawg thiab lom zem heev... 6 6 siab sau es kuv mam li tuaj pab nej nyeem thaum kuv lub sij hawm seem nawb mog.

TijLaug Charlies Posted Image

#45 HMOOB_zibmes&piamthaj_*

Guests

Posted 02 June 2011 - 10:43 AM

txoj kev hlub ntawm ib tug neeg
nws yeej ntseeg tias yog yam zoo
dhau ntau xyoo lub ntuj yav tag
kuv no ntag tau muaj kev hlub
thaum xub xub uas wb sib ntsib
nyob 0-5 caij noj peb caug
thaum thawj zaug wb tau sib tham
nws kuj tham tau zoo ntxiv nyiam
ho nws niam kuj hais luag nyav
kuv thiaj xav tias txuas phooj ywg
muab liaj lwg nkawv txoj qub kab
coj los nrab nthuav rau wb taug
ntsib ntau zaug ces thiab sib hlub
lawv tsis ntxub lawv los tsis cem
lawv tsis phem lawv ua zoo xwb
ces nws wb txoj kev hlub loj
tsis ntev zoj ces wb sib swm
wb thiaj vwm muaj kev sib nco
ntuj tag hmo los yuav sib cuag
ntuj tsaus zuag kuv npaj mus ntsib
hos nws qhib qhov rooj xam ntsoov
saib nraum zoov seb puas pom kuv
wb laj uv tos tau sib cuag
ntuj tsaus zuag tav lub caij qub
tus kuv hlub thiab tus kuv nco
siab ntxhov nyho yog tsis pom koj
mov tsis noj dej los tsi da
kuv ncaj qa muab loo teeb tsom
muab kaus mom coj los mus looj
tau tsom thooj ces kuv maj zeeg
saib yeej ntseeg tias yuav tau ntsib
kev hlub pib ces yog zoo no
nco li nco thaum wb sib nrug
cas kuv yug tau los txom nyem
tseem tau phem lub ntsej lub muag
neej pluag pluag tsis xws lug tej
yav thaum ntej lawv kuj tsis cheem
lawv kuj yeem cia wb sis tham
lawv kuj kam rau wb sib hlub
yav nram ub nws niam tsis txwv
kuv kuj khwv tias yog sib tau
ntshe zoo dhau zoo tshaj lwm leej
pib lub neej yuav rau rau siab
kom yus thiab nws lub neej zoo
tham nto xyoo hais zoo lawm tiag
lawv txiav kiag wb txoj kev hlub
niam txawm ntxub hos txiv los cem
tias niag phem thiab niag neeg pluag
lawv ua cuag kuv tsis yog neeg
lawv maj zeeg muag lawv ntxhais qua
lawv thiaj ua wb kev hlub plam
dhau mus yam tsis muaj hnub cuag lawm tiag.

#46 HMOOB_zibmes&piamthaj_*

Guests

Posted 02 June 2011 - 12:22 PM

me muam Kzkz thaib kwv Kimpov. neb sim saib seb neb puas nyiam kuv zaj paj huam no. kuv lam sau los daws kev lom zem xwb.

#47 HMOOB_kimpov_*

Guests

Posted 02 June 2011 - 08:28 PM

zibmes&piamthaj, on 02 June 2011 - 12:22 PM, said:

me muam Kzkz thaib kwv Kimpov. neb sim saib seb neb puas nyiam kuv zaj paj huam no. kuv lam sau los daws kev lom zem xwb.

Nyob zoo os me tij laug Zibmes&piamthaj, koj zaj paj huam mas sau tau zoo kawg lawm wb yeej nyiam tiag tiag li lawm lau, tab sis nws ho txaus tu siab me me vim txog thaum kawg neb tsis sib tau raws li neb lub siab ntshaw vim tej laus txiav neb kev hlub, txawm li cas los xij peem mog nws twb dhau tag mus lawm ces cia ua ib zag dab neeg es muab khaws tseg rau koj ua tij lub nruab siab lawm xwb nawb mog.

#48 HMOOB_Kzkz_*

Guests

Posted 03 June 2011 - 08:33 AM

Nyob zoo tij laug Zibmes thiab tij laug Kimpov,

Wow...! Neb ob tug kws txuj mas yuav txawj qhub, yuav txawj qhia, txawj nthuav txawj piav lub ntsiab lus ua luaj li...Ua tsaug nawb me Zibmes muaj nuj nqes...Zibmes, nws txawj sau paj huam heev, nws sau txog kev hlub nyob Vib Nais lawm, nws puas kam sau ib zaj txog kev tawg rog, yoo tshaib yoo nqhis kom tuaj txog rau Vib Nais rau kuv khaws cia nrog cov keeb kwm kev tsi?

Ua tsaug ua ntej rau nws lub siab zoo.

Tij lauj Kimpov thiab...Xav kom nws sau ib zaj thiab, nws puas khoom?

Ua tsaug thiab ua npoos tib si rau neb ob leeg ua tij.

#49 HMOOB_zibmes&piamthaj_*

Guests

Posted 07 June 2011 - 09:16 AM

kuv yuav piav los ua keeb kwm
raws li tshwm ntawm kuv lub neej
nyob rau txheej peb hmoob tawg rog
ntuj qub zog peb teb qub chaw
yuav tsis kaw es yuav muab nthuav
hmoob khiav suav ces kuv tsis paub
hais txog qhaub hmoob sawv sib tua
kuv txiv ua ib tug thab ham
mus laj kam mus thaiv ciam teb
kuv niam peb nyob rau tom zos
txiv tsis los thaum phom nrov poog
ua me noog me qaib me npua
khiav tsi sua rau txhua txhia qhov
kuv tsuas hnov niam lub suab nthe
tij laug nce mus caij txiv nees
niam sawv tsees mus ev lub kawm
ces kuv txawm dai niam xub ntiag
peb khiav kiag los txog looj ceeb
thiaj los teeb ua dua tsev tshiab
tsis ntev thiab lawv rov tuaj tua
peb khiav dua los rau phaj kheb
tsis muaj teb ua tsis tau noj
txiv thiaj coj peb los huab khas
ces laj cas nplog los sib lua
peb khiav dua los rau pham kois
liag kuj hais tias teb chaws tus
peb thiaj mus los ua teb yeeb
kev thaj yeeb tsis thooj li xav
mes kas txav hos vaj pov tawm
ces luag txawm tuaj sau cov npe
coj mus nce mus kawm kev cai
cov laus ntshai ces tsis kam mus
muaj qee tus mus twb tsis los
thiaj sau zos tuaj mus sib tham
peb sawb tsam yuav los mus thaib
khiav tsis laib tuaj mus tsis tau
thiaj li dhau mus ua cobfab
nplog rov qab tuaj tua peb ntxiv
peb thiaj tsiv rau txhua kaum hav
nplog kuj tsav dav hlau nphoo tshuaj
peb kuj muaj ib co raug tuag
niam txiv nyuag quaj zom pes zaws
tias sawv daws yuav ua li cas
tawm mus mas cov txiv raug tua
ces niam ua poj ntsuam kiag thiab
txiav txim siab ces peb mus thaib
hla roob ncaib los rau pham maij
yog lub caij tsuj kuam tseem kav
lawv tuaj tav tuaj tua peb thiab
tawg sis niab ua ob peb pab
cov raug sab ces lawv tuaj loos
cov muaj hmoo uas tsis raug phom
lawv kuj txhom mus tim lawv zos
ib co hos lawv tau khiav dim
thiaj sib fim sib sau ua ke
los ua ke rua nram naj khoom
thiaj li koom los sib sau nyiaj
ces peb thiaj los dhau rau thaib
U.N saib thiab thaij peb duab
lawv thiaj muab peb los vibnais
lawv thiaj hais kom mus xam phaj
kuv thiaj ncaj tuaj meskas lawm tiag.

*tus muam kzkz. yog yuav piav lub neej tawg rog ces yeej tu siab kawg li. tej zaum koj yuav paub tus Tsujkuam Thoj zoo tias nws lim hiam npaum cas rau hmoob no.

#50 HMOOB_kzkz_*

Guests

Posted 09 June 2011 - 06:49 AM

Nyob zoo zibmes&piamthaj,

Ua tsaug rau nws zaj paj huam,
Yog kawg, Peb Hmoob ces txhob tham txog kev txom nyem xwb, tham txog mas muaj ntau tsav ntau yam uas yus twb paub tsis txog, hnov tsis tag li. Tu siab kawg nkaus, tab sis yug peb muaj kev tu siab, ntshe tseem zoo dua uas peb tsis muaj txoj sia los nyob ua neeg kom tau tu siab thiab. Kuv ua nws tsaug ntau nawb mog, me phooj ywg. Yog thaum twg nws xyeej sij hawm, no nws ho pab sau zaj puav rau kuv tau khaws cia thiab. Kuv xav npaj sau ntau yam khaws tseg...Tab sis khwv khwv li xyov yuav ua tau li cas xwb. Yog nws muaj txuj los yog tej zaj dab neeg keeb kwm, kuv zoo siab yuav txais tag nrho txhua yam nawb mog.

Kuv ua nws tsaug ntau.

#51 HMOOB_zibmes&piamthaj_*

Guests

Posted 14 June 2011 - 10:16 AM

kuv leej bawg kim pov xauv huas
los mus txuas me muam kz
ntau tag kis tsos tuaj ntawm no
kuv mas nco nej sawv daws tiag
ncaim ib pliag los siab xav ntsoov
sij hawm hloov lawm ib ob hnub
noj li qub ntawm kuv tus no
es neb ho puas tseem nyob zoo
nug neb moo puas xav li cas
yav dhau tas peb tuaj lom zem
tuaj tauv pem hauv zos toj siab
kim pov thiab wb sau paj huam
koj ua muam kuj tuaj nrog wb
peb siv hlwb sau lus sib dhos
muab coj los tham sib txuas lus
kuv ua nus zoo siab paub koj
kev nyob noj nej zos twj cuab
zoov puas ntsuab xyoob ntoo puas ntau
ho qhia rau neb ob tug kwv
ntug hiav txwv ntawm zos pas zaj
nws do tshaj tej roob do hau
ntoo tsis ntau xyoob los tsis muaj
noog tsis quaj nas los tsis pom
muaj hav nyom xyaws me hav nroj
kev khwv noj khwv haus ntawm peb
tsis ua teb li ntuj thaum ub
yog muaj hnub neb rov tuaj pom
kuv xav kom neb ho tham qhia
piav ib txhia ntawm nej lub zos
kev mus los nej nyob li cas
yog piav tas los haj yam zoo
seb niaj xyoo lub ntuj nws tig
kuv puas ncig tuaj mus pom neb
nyob nplog teb yog bawg kim pov
tsis paub xyov leej muam kz
nyob fab kis los canada
nyob meskas ces txawm yog kuv
thov txiv uv tsis tau kev nco
thiaj li tso xov tuaj nug moo
phooj ywg zoo neb ob tug mog
sau tsis yog los txhob tu siab
cia caij tshiab mam rov tuaj dua
tham kev tshua neb mog kim pov thiab kzkz.

**zibmes osnov nas. nyob li cas lawm xwb. txij thaum zaj laug ntxhais ntxawm mus yuav nraug ntsuag lawm ces txiv zaj laug tu tu siab ces tsis txhim kho pas zaj lawm ces tej me pas zaj pib nquaj zus lawm tiag. kev nrhiav noj ntawm tej pej xeem los yeej nyuaj kawg nkaus li lawm. qhia neb paub

#52 HMOOB_kimpov_*

Guests

Posted 14 June 2011 - 11:09 PM

Nyob zoo os kuv me tij laug Zibmes&piamthaj, thiab me muam kzkz.
Neb me kwv thov txim ntau nawb mog vim tias lub caij no nplej los kuj fab heev thiab tseem mus cog liaj lawm es thiaj tsis tau khoom tuaj saib neb lawm xwb.
Tij laug Zibmes&piamthaj lub caij no nyob Meskas teb zoo li cas lawm xwb? thiab tij laug ne ho niaj hnub mus ua dab tsi xwb os?
Me muam Kzkz, hos nyob Fabkis teb ne zoo li cas lawm xwb? koj ua muam ne ho niaj hnub mus ua dab tsi xwb thiab?

Neb me kwv ces nyob ntuj qub qab khwv khwv tsis tau so li os, tseem niaj hnub khaws 3 hmoob lub neej qub ua tas zog xwb tiag!
Nyob rau Laos mas lub caij no me nroj tsuag ntsuab xwb xiab, thaum yuav tsuas ntuj mas me kab tsaus ntuj quaj qog qees qhov txhia chaw xwb tiag, 1 hnub los 2-3 kob nag, tej hnub mas ho los nag tas hnub tsis tu, hos qee hnub kuj tshav ntuj huab cua sov hauj sim, txawm li no los yog yus tig ntsia nram tej liaj tej teb los haj tseem pom niam txiv kwv tij neej tsa hmoob tab tom cog liaj thiab ua teb dob nroj ua me ntaub tiv nag xiav vog xwb tiag.

#53 HMOOB_kimpov_*

Guests

Posted 14 June 2011 - 11:20 PM

Kzkz, on 03 June 2011 - 08:33 AM, said:

Nyob zoo kuv me muam Kzkz, hais txog kev tawg rog ntawm 3 hmoob mas koj me nus yug tom qab 75 lawm ces paub tsis meej lawm mog tsuas yog hnov luag tham thiab sau tseg 6 tej ntawv keeb kwm lawm xwb nws yuav tsis cuag li uas yus tau ntsib thiab pom dhau los kiag, tab sis txawm li los kuv mam sau ib zaj thiab.
Hais txog 3 hmoob li keeb kwm mas yog 1 zag dab neeg txaus tu siab heev li tham txog thaum twg lub kua muag yeej poob, koj ua muam koj yuav paub zoo lawm vim koj ho xub noj ntau diav mov, kuv lam sau peb hmoob li keeb kwm uas yog pib puag thaum tseem nyob Suav tuam tshoj teb li hauv qab no, yog lo twg tsis raug los koj ua muam thiab tij laug Zibmes neb ho zam txim thiab ho pab kho rau. Yuav muaj lus ua tsaug ntau ntau.

#54 HMOOB_laib hluas_*

Guests

Posted 15 June 2011 - 12:47 AM

nyob zoo os ob tug npawg,
cas nej nim txawj seev thiab tham ua luaj
hais lus tuaj hauv toj siab no,
ua rau peb kho lub me siab zim zuag
xav mus quaj mus qw kom nrov
tsis xav pom peb tej ntxhais mos
uas pheej tos peb tej tub laus
nyob khaus khaus rab me qau ntsw
lub siab ntsws mas xav txog tej ntxhais mos
nyob tim plog peb teb chaws me
tej kaus ple uas tseem liab liab
xav muab kiag rau tej tub laus
40 50 los kav liam li
siab quaj dhi tos nyiaj dolla
coj los kav rau yus tus kheej
yog tseem pheej zoo li no mus thoob,
ntshe peb hmoob ces tas zaum no
lub tej chaws los tsis muaj nrog luag
peb yuav tuag ploj av tag mus
vim peb tus chwj pwm tsis zoo
peb tej kev zoo twb muab dhuav tag lawm
tej ntxhais ntxawm twb ua movie
sib yaim - yaim qau li nej pom ntag
muab hais tag ces peb hmoob xuaj kawg
peb tej yawg tsis tau qhia
kom sib txiag rau luag tej pom
kom sib nyom rau luag tej ntsia
kom luag piav tias hmoob muaj x movie
muab lim los ces yog neb cov lus ntag
hais tsis dag yog neb tsis paub
tsis tau taub thiab tsis tau pom
ces neb yeej hais tsis tau tawm
ntseg neb ob leeg twb tau ua dhau los lawm
thiab thiaj tawm los tham li no
muab hais los ces cov xuaj
cov puas tsuaj ces yog hmoob rhuav hmoob lawm xwb os lawv os lawv es......thov kom npam nej txhua leej uas los tham tej ntxhais mos nyob plog teb...thov kom nej tuag tsis muaj av faus..yog nej tsis los yuav tsis los plees peb tej ntxhais plog, ces ntse peb twb tsis poob tsob noob zoo nkauj mus ua mekas tag lawm os....

#55 HMOOB_kimpov_*

Guests

Posted 15 June 2011 - 01:17 AM

Keeb Kwm Hmoob Tawg Rog Pem Suav Teb Los.

Suab me no.............yog lus paj huam
yuav hais pluam........tawm plaws tsis zais
yuav thov hais.........rau ib tsoom hmoob
uas nyob thoob.........hauv qab ntuj no
kom nej ho.............paub txhij hnov txhua
muab khaws ua..........keeb kwm teeb cia
thiaj tau qhia.........rau tej me nyuam
lub keeb puam..........txwm ntawm peb Hmoob
uas nyob thoob.........lub qab ntuj no
seb nws ho.............yog vim dab tsi
soj raws li............keeb kwm sau cia
keeb kwm qhia..........rhawv tseg hais tias
li plaub txhiab........lub xyoo dhau los
Hmoob lub zos..........nyob Mongolia
keeb kwm tias..........lub sib hawm ntawv
Hmoob yeej sawv........muaj kev vam meej
Hmoob lub neej.........yeej xub nto moo
ua neej zoo............tshaj haiv neeg Suav
Hmoob leej puav........yeej txawj ntse txaus
Hmoob cov laus.........twb txawj khawb hlau
coj los hau............ua cuab yeej siv
Hmoob leej txiv........yeej txawj khawb nyiaj
txawj tu tsiaj.........ua qoob ua loo
txawj hnav zoo.........dai npib dai hob
Hmoob yeej nyob........tau kaj siab lug
muaj qee tug...........yeej ciaj xeev laus
los ua taus............peb hmoob tus vaj
vam meej tshaj.........dua lwm haiv neeg
qhov kuv ntseeg........yog Hmoob tsoos zam
yog muab tham..........ces yeej txaus qhuas
dai puv ntuas..........me ris me tsho
me nyiaj hob...........nyiaj npib nrov ziag
muaj tseeb tiag........tsis yog lam nroo
ntau txhiab xyoo.......tom qab los no
Hmoob thiaj ho.........pib txav zuj zus
nqis los mus...........nyob Suav Tuam Tshoj
Suav av loj............sab ntuj Asia
tham ntxiv tias........sib hawm thaum ntawv
Suav rog sawv..........tuaj tsuj peb Hmoob
txais Hmoob qoob.......Hmoob loo tsis them
Suav ua phem...........huab Hmoob tej nyiaj
tua Hmoob tsiaj........txeeb hmoob liaj ia
muaj ib txhia..........zov kev tua Hmoob
txeeb Hmoob tsoos......Hmoob zam lawm tag
Hmoob pheej mag........Suav tuag tshaib tua
ua thiab ua............thiaj ciaj tsov rog
Hmoob thiaj nrog.......Suav sawv sib tua
muaj ntau nplua........Suav kuj tuag coob
vim peb hmoob..........lub me peev xwm
tus xub tshwm..........hauv Hmoob zej zog
ces txawm yog..........huab tais Txiv Yawg
sawv ua pawg...........koom ua ib pab
ntau laj fab...........tswv yim tiv thaiv
kom peb haiv...........Hmoob tsis txhob ploj
thov qhuas koj.........huab tais leej txiv
koj tau siv............koj li roj ntsha
coj los nqa............lub teb lub chaw
peb sawv daws..........yuav nco ntsoov koj
tsis pub ploj..........hauv Hmoob keeb kwm
yuav muab zwm..........khaws ua faj lem
yuav tsis tshem........tsis muaj hnub kawg
thaum Txiv Yawg........tau tag txoj sia
Vwj Paj Yias...........coob leej ntau tus
tau sawv pus...........coj Hmoob tua Suav
yog yuav tuav..........tug npe zuj zus
ua ntu mus.............mas yeej tshuav coob
txiv yawg Hmoob........cov me siab tawv
nej tau sawv...........los thaiv peb Hmoob
tuav lub koob..........tsis pub ploj mus
ua ntu zus.............los txog Yunan
muab hais mas..........yog ntsug rog loj
Hmoob cov coj..........rov sawv tua Suav
sawv los tuav..........peb Hmoob meej mom
tsis pub kom...........poob rau Suav tes
Suav rog ntes..........thiab tua peb Hmoob
tuag puv thoob.........toj roob hauv hav
kua muag ntshav........thiaj ntws tawm los
yeeb vim yog...........muaj tus siab phem
tau ntxeev lem.........rov taw tuam ntuj
rov tuaj tsuj..........tua yus haiv Hmoob
yus tsob noob..........cas ho tsis hlub
ua siab dub............rov tua yus pawg
txog thaum kawg........Hmoob thiaj swb rog
ntawv txawm yog........xyoo tim 18
cov khiav dim..........ces thiaj ciaj sia
muaj ib txhia..........Suav muab ntes tau
muab pov rau...........hluav taws kub nyhiab
muaj ntau txhiab.......tus raug Suav hlais
thiab coj pais.........pov rau dej tshoob
yuav tu noob...........ces thiaj tau khiav
thiaj muab siav........ciaj pauv siav tuag
khiav nrov ruag........los rau Nplog teb
ib txhia ces...........ho tshwm Nyab laj
mam rov npaj...........tsim dua noob neej
kev ywj pheej..........thiaj khees dua qub
tsim me tub mes ntxhais coob zuj zus tuaj lawm xwb tiag!

Yog yuav sau kom txhij kom txhua mas yeej tshuav ntev. Txawm tias sau tau tsis zoo thiab tsis yog los thov s/d ho zam lub txim pub thiab. Ua tsaug ntau.

#56 HMOOB_kimpov_*

Guests

Posted 15 June 2011 - 02:12 AM

laib hluas, on 15 June 2011 - 12:47 AM, said:

Nyob zoo me bawg Laib Hluas, yuav tau ua siab loj thiab siab dav nawb mog, txhua tsav yam yeej tsis yog tias yuav zoo tas mus ib sim thiab ho yuav phem mus tas ib sim, nws yeej yuav tsum muaj qee ntu zoo, qee ntu phem. Nws zoo li lub ntuj uas txawj los nag thiab txawj tshav os mog, yog li peb s/d yuav tau ua siab loj siab dav me ntsis!
Thov txhob lam tau lam foom lus phem 6 tus ub tus no os nawb mog, tsam txog kawg tus ntawv ho lam yog yus!
Qhov koj hais no nws twb tsis yog tim Hmoob meskas xwb, yeej yog tim 3 cov me ntxhais hmoob Laos, thiab tim cov niam cov txiv tsis txawj ua lub neej thiab ne. Kav liam puam chawj mog me bawg, luag tias DEV YEEM NOJ QUAV NPUA YEEM NOJ XUA ces kav liam tsuav yog tias tsis muaj teeb meem xwb ces lawv ua lawv, tsam ces ho nyhav xyom cuab tog thiab os bawg. Koj saib ma tim 3 cov me ntxhais mos los pheej tuav rawv lawv tes tsis tso li thiab ne! yog koj los koj yeej yuav ua thiab na!
Qhov loj tshaj mas twb yog tim cov nyuag Laib Hluas li koj pheej tsis hlub 3 tej ntxhais mos kom ti txha thiab ntag lauj! tos li lawv pheej mus nrwb sab nrauv es muab koj tso tseg na!
Txhob tu tu siab mog!

#57 HMOOB_kimpov_*

Guests

Posted 15 June 2011 - 04:55 AM

Peb Hmoob Thaum Lub Caij Tsov Rog Fabkis

Txij ntua thaum........Hmoob khiav Suav rog
Hmoob los txog.........daim av Lostsuas
uas yog puas...........Nyablaj qaum teb
nyob tsis deb..........ntawm Dias Npias Fus
Hmoob kuj mus..........ua noj ywj siab
lub neej tshiab........kuj yog zoo ntau
Hmoob kuj tau..........muaj kev ywj pheej
ua lub neej............kaj siab dua qub
nyob ib hnub...........mus dhau ib hlis
ib pliag ntshis........twb tau ntau xyoo
ces ho zoo.............li hmoov rov phem
ntuj rov lem...........txoj kev xyob txhiaj
ces Hmoob thiaj........rov poob kua muag
txoj kev ntsuag........Hmoob rov khaws nkaus
raws cov laus..........thiab keeb kwm qhia
Fabkis dhia............tuaj tsuj av Nplog
ces nws yog............1-8-9-3
Lostsuas teb...........rov tau kub ntxhov
vim yog cov............Fabkis caj siab
coj cai tshiab.........tuaj tswj los tsuas
kev sib tuas...........thiaj tau sawv dua
thiaj rov ua...........rau Hmoob lub neej
tsis sawv tsheej.......ib cuab ib yig
Fabkis tig.............los sau Hmoob se
Fabkis nce.............tus se siab zus
sau Hmoob mus..........ua Fabkis qhev
mus khawb kev..........rau Fabkis taug
muaj ntau zaug.........Hmoob tus txiv tsev
tau mus ntev...........txog tsheej tog hli
cov tub ki.............ua tsis tau noj
Fabkis coj.............lub zog uas khov
tsuas tshuav cov.......poj niam tub ki
lawv thiaj li..........them tsis taus se
tsuas muaj nce.........se siab zuj zus
ntev tuaj mus..........Hmoob them tsis taus
Hmoob cov laus.........thiaj tau sab laj
sawv los npaj..........tswv yim tawm tsam
los sib tham...........ces thiaj sib sau
ces thiaj tau..........kom Pajcai Vwj
sawv los tswj..........los ua tus coj
coj tub rog............mus tua Fabkis
lub 7 hli..............1-9-1-8
Pajcai tsim............ib pab tub rog
sawv los nrog..........Fabkis sib tua
thiaj pib ua...........rog txij hnub ntawv
Pajcai sawv............rog nyob Laujkais
coj Hmoob ntxhais......Hmoob tub ua rog
thaj chaw yog..........Nyablaj qaum teb
tua tau 3..............lub xyoo txwm nkaus
kev sib ntaus..........thiab kev sib tua
kuj tau ua.............rau Fabkis ntshai
vim Pajcai.............cov tub rog tawv
Fabkis lawv............kuj tau tuag coob
hos peb Hmoob..........los kuj ploj tuag
vim yog luag...........muaj riam phom khov
luag thiaj txov........tau vwj Pajcai
muab yawg dai..........txiav caj dab tu
thiab nqa mus..........rau thawj Fabkis
lub 3 hlis.............1-9-2-1
Fabkis pib.............muab Hmoob rau txim
muab Hmoob tsim........thiab muab Hmoob tua
muab pav ua............ib tshais me nqaj
ces rho ntaj...........lwg Hmoob caj dab
Hmoob thiaj sab........rau lub no lawm
ntuj kuj cawm..........tsis pub tu noob
kom peb Hmoob..........tsis txhob tuag tas
Savina(Xasvisnas)......thiaj tau los thov
kom lawv cov...........thawj rog Fabkis
tsis pub nqis..........tes tua Hmoob ntxiv
ces thiaj siv..........ib co cai tshiab
coj los qhia...........los tswj peb Hmoob
nyob pem roob..........ces cia Hmoob kav
Hmoob thiaj txav.......mus hawm Fabkis
lub 3 hlis.............1-9-2-1
Hmoob thiaj pib........mus zwm Fabkis
Hmoob thiaj tsis.......sawv rog ntxiv lawm
lub sib hawm...........tom qab los no
ces Hmoob ho...........mus pab Fabkis
ua me ris..............me tsho ntuag tas
thaum no mas...........Fabkis ho hlub
ho tig rub.............Hmoob ua kwv tij
Hmoob tshaj lij........Fabkis ho qhuas
Hmoob cov hluas........tau mus pab lawv
tau mus sawv...........tiv thaiv Fabkis
ib pliag ntshis........Hmoob tau npe zoo
Hmoob lub moo..........uas Fabkis nco
VAJ TAW DO.............yog Fabkis hu
Hmoob lub plhu.........ces ho tuab npawv
sib hawm ntawv.........lub yeej tub rog
mas nws yog............nyob rau Qhas Qhaim
Hmoob sawv nraim.......Fabkis ib sab
Hmoob mus pab..........Fabkis tua rog
uas nws yog............sab dias npias fus
txoj kev mus...........mas yog ko taw
vim thaum ntawv........tsis tau muaj tsheb
nyob deb deb...........1 hlis thiaj txog
ua tub rog.............rau tus Fabkis
mas yeej tsis..........muaj nyiaj hli noj
Fabkis coj.............Hmoob mus ua rog
mas tsuas yog..........faib phom rau xwb
los Hmoob twb..........yeej zoo siab pab
Fabkis thab............Nyab laj qaum teb
thiaj kom peb..........Hmoob mus pab tua
thiaj tau ua...........rau ib txhia tuag
poob kua muag..........thaum twg tham txog
vim tias yog...........mob kuv siab heev
kuv lam seev...........ua lus paj huam
thov txhob thuam.......mog tsoom phooj ywg
yog leej twg...........paub tias sau phiv
thov ho ntxiv..........rau kom ho raug
yuav ua tsaug..........rau koj tus paub
yog yuav saub..........mas yeej tshuav ntev
ces thov sev los xaus li no xwb mog.

Hais txog 3 hmoob lub neej tawg rog thiab ua rog yav ntuj qub qab mas nws yog ib zaj dab neeg uas txaus tu siab thiab ho txaus chim siab kawg nkaus, qhov phem tshaj plaws mas yog 3 hmoob tsis txawj sib hlub sib pab, thiab sib hwm. Nyias khav nyias ntse thiab muaj zog. Thaum 3 muaj ib tug ntse ua tau tus coj lawm 3 tsis txawj tiv thaiv nws thiab hwm nws los yog saib nws rau nqi, txog kawg peb thiaj zoo li no lawm. Tab sis qhov no yog yav tag lawm xwb txij no mus peb yuav tsum hloov 3 lub siab nawb mog Hmoob!

Me tij laug Zibmes&piamthaj thiab me muam kzkz kuv lam sau ua dog ua dig li no xwb yog tias lo twg tsis zoo los sis tsis raug no neb 2 tug ua tij ho pab kho rau thiab yuav muaj lus ua tsaug ntau.

#58 HMOOB_zibmes&piamthaj_*

Guests

Posted 15 June 2011 - 09:08 AM

Me kwv ntxawg Laibhluas. txoj kev foom ces yog luag tsis tau txhaum ces tej lus phem rov ua koob hmoo rau luag xwb. es yog luag tsis txhaum ces qhov phem yus foom nws tsis muaj chaw mus es nws yuav rov los rau yus nawb, kuv thov koj ua kwv txhob lam tau lam foom mog. ua siab loj kuv xav kom koj nrog lawv zoo siab xwb, yog nyiam ces cia li nrog lawv xyaum, hos tsis nyiam ces txav zog ib tog cia lawv ua lawv kom txaus lawv siab ib hnub lawv yeej txawj tsum las mas bawg.

Bawg Kimpov; koj ob zaj lus ces yog lawm. koj los kuj yog sib zog tshawb fawb hmoob li keeb kwm deb kawg lawm. thov qhuas koj ua kwv. nyob li ntawm sab meskas teb no ces tab tom yog lub caij ntuj sov. nws kuj los nag thiab tab sis tsis npaum ntawm ko. tsis ntev hnub no ces txog July 4. peb yuav mus saib hmoob Minnesota ncaws pob tiag Bawg. koj tuaj tau no wb mus saib lawv ov. Tshuav li 3 hlis ntxiv xwb ces twb yuav los snow hos Bawg. koj suav ntsoov thaum twg koj hlais nplej ces kuv pom snowm lawm tiag. niaj hnub no los tseem mus laj kam li qub os qhia koj paub.

#59 HMOOB_zibmes&piamthaj_*

Guests

Posted 15 June 2011 - 09:51 AM

kuv lam piav lub neej caub fab
nyob tom qab xyoo 70-5
caub fab pib yog nplog sib lua
nplog tsim dua txoj kev cai tshiab
roob phus baib thiaj muaj zoov zuag
lawv sib vuag los tau ib pab
ua caub fab tiv thaiv lawv zos
thiaj kis los txog rau ntawm peb
nyob tsis deb ntawm moos kas xim
thiaj tshwm sim neej hmoob caub fab
peb ev hnab nce mus pem roob
ces lub koob caub fab thiaj nto
lub me xo mus txog nom tswv
luag tsoom fwv thiaj txhij tub rog
xa tuaj nrog caub fab sib tua
qhov tseeb dua peb yog pej xeem
ces peb txheem tsis tau lawv zog
lawv tuaj txog muab qoob hlawv tas
lawv zov mas tau 3 hlis diam
tua peb xiam lawm ntau coob leej
peb ua neej nyob nrog hav zoov
nyob nrog yoov nrog nas nrog noog
lam sib yoog nkaum tej qhov zeb
thaum ua peb muab mov noj tas
saib ua cas luag tseem tsis rov
tseem muab mov muab nplej tis taws
ua sawv daws kua muag thiaj poob
lawv muab qoob hlawv tas lawm ces
xawb hauv pes tej nyuag nroj tsuag
noj tsis tuag coj los cawm siav
tej me txhiav peb xawb noj du
tsuav tias hu uas khoom noj
tej laus coj mus dawj muas thij
coj los txhij los tsuav ua mov
thaud tsuas hnov luag muab tav plab
ntuj caub fab kuv tau noj lawm
muas thij txawm yuav tsw npaum cas
thaum noj mas yeej tsis xis ncauj
peb kuj tauj mus noj qos npua
hau ua kua mas iab li iab
kua los liab nws los tsis qab
xawb hav fab los noj los haus
ces tej laus lawv cov haus yeeb
me phaj teeb muab pov tseg txhua
me roj npua los tsis muaj lawm
muab hauv kawm me tiab ntaub maj
dua leeg kaj los zom tuav siav
peb xawb nrhiav hauv toj hauv pes
qas me ntses roob ris khauj khaum
peb xawb npaum li cas tsis muaj
ua neej nyuaj hais nyob hav fab
hauv yus plab tsis muaj qhov khoom
ua saws soom tshaib plab yuav tuag
yuag li yuag vim kev yoo tshaib
cov ab naib ntau leej tuag lawm
cov poj yawm ntau leej mob hnyav
peb thiaj txav los mus thaib teb lawm tiag

#60 HMOOB_kimpov_*

Guests

Posted 15 June 2011 - 08:04 PM

zibmes&piamthaj, on 15 June 2011 - 09:08 AM, said:

Nyob zoo kuv tij laug Zibmes, tsuas yog lam sau raws li yus paub xwb, ua tsaug koj ua tij cov lus zoo txhawb zog. Nej lub July 4th mas ntxim yuav lom zem kawg li tiag yom, xav tuaj saib nej thiab tuaj nrog koj ua tij mus ncig saib 3 hmoob lub neej vam meej nyob USA kawg nkaus li os tij laug, tab sis tuaj tsis tau li os tij laug, es koj ua tij ho lom zem pub rau kuv thiab nawb mog.

#61 HMOOB_kzkz_*

Guests

Posted 16 June 2011 - 12:11 PM

Nyob zoo tij lauj Kimpov thiab tij lauj Zibmuzibmes,

Woooooooow...!Zoo tiag tiag li...Ua tsaug ua nploos tib si...Kuv tsis txawj hais ib los dab tsi ntxiv, vim tsis muaj los lus yuav los phim hais rau neb ob tug phooj ywg lawm...Kuv hais UA TSAUG xwb. Li cas los neb ob leeg lub txiaj htsim yuav nyob nrog Peb Hmoob mus li.

Posted Image

#62 HMOOB_kimpov_*

Guests

Posted 20 June 2011 - 12:16 AM

#63 HMOOB_kimpov_*

Guests

Posted 20 June 2011 - 12:22 AM

kzkz, on 16 June 2011 - 12:11 PM, said:

Posted Image

Nyob zoo me muam kzkz ua tsaug ntau rau nws tej lus ua tsaug txhawb wb lub zog. Tsuas yog lam sau raws li yus paub xwb. Hais txog peb hmoob li keeb kwm mas ntshe kuv yuav raws tsis cuag tij laug Zibmes neb kiag li os!
Ua tsaug rau koj daim duab qub qub uas yog 3 hmoob lub neej yav ntuj qub qab tiag tiag.

#64 HMOOB_kzkz_*

Guests

Posted 20 June 2011 - 01:30 AM

kimpov, on 15 June 2011 - 08:04 PM, said:

Nyob zoo tij lauj Kimpov thiab tij laug Zibmes,

Tij laug Kimpov,

Ua tsaug uas nws pab kuv daws ib qho hauj lwm, kuv twb npaj siab tuaj nqa tij laug Zibmes neb cov paj huam mus teem cia no tab sis kuv lub caij tsis txaus, kuv thiaj li nqa tij laug Vaj Leng zaj ua ntej xwb. Nws nqa tuaj rau kuv lub tsev teem txuj los kuv yuav nco nws tshav ntuj, nws pab khaws rau lub tsev teem ci los kuv yuav tsa tes txaum yim. Vim ib leeg xwb ces muaj ntau yam ua tsis yeej. Kuv kuj tuav lub Forum Hmong Catholique thiab ces kuv thiaj li khwv khwv. Kuv zoo siab tag nrho rau nej peb tug tij laug muaj lub siab dawb pub nej cov txuj rau kuv khaws tseg.

Tij laug Kimpov, cas tseem hnov nws hais mus dob nplej, cas rau kuv ais nco zem zuag li yog tiam dhau los lawm xwb. Cas nws tseem yog lub neej niaj hnub...ais nej tsis siv cov tshuaj tua nroj uas nyob xeev Luang Nam Tha lawv siv lov? Cov tshuaj tua nroj Suav ntawd mas ua nplej, tua ib zaug xwb ces kav kiag ib cim nplej, tua nroj tag mas tseem zoo li muaj chiv ua rau cov nplej hlob mos nyoos tuaj thiab no...Thiab tsis kim li cov tshuaj Thaib uas lawv siv nyob Vees Cam no...Lam tham xwb, haj yam nyob deb tshaj nws, twb tssi paub li nws paub...los thov zam lub txheej.

#65 HMOOB_kimpov_*

Guests

Posted 21 June 2011 - 02:09 AM

kzkz, on 20 June 2011 - 01:30 AM, said:

Nyob zoo me muam kzkz, ua tsaug ntau rau nws tej lus zoo txhawb wb lub zog. Tsis ua li cas li os nws li hauj lwm los yeej yog kuv li hauj lwm thiab xwb os tsis tas yuav ua tsaug li, hais txog kev sib pab mas yog ib qho zoo tshaj plaws, yog tiag mas kuv tseem yuav ua koj ua muam tsaug vim koj ua hauj lwm tuav thiab khaws peb hmoo li txuj ci, kuv ces tsuas yog lam raws koj qab xwb. Tsuas ntshai tsam kuv lam ua thiab pab tsis tau xwb yog yam kuv pab tau mas twb tsis luaj twg.
Ua tsaug ntau.

#66 HMOOB_kimpov_*

Guests

Posted 21 June 2011 - 02:23 AM

kzkz, on 20 June 2011 - 01:30 AM, said:

Kuv yeej hais tiag tiag li hos vim tsis ua ces tsis tau noj ne, peb cov hmoob uas tseem nyob rau sab Xeevkhuam no ces feem ntau yeej tseem khaws thiab coj peb hmoob lub neej yav ntuj qub qab xwb.
Hais txog cov tshuaj tua nroj uas koj hais saum toj no mas 2-3 xyoos dhau los peb yeej siv thiab tsis hais hmoob los sis mab sua, tab sis muaj ntau zaus nyuj twm mus noj tau cov nroj uas yus tua ntawv ces nyuj twm tuag, s/d ho muab nyuj twm tej nqaij coj los ua noj los sis muag rau tom taj laj yus mus yuav tau los noj ces ua rau neeg muaj mob, kws kho mob hais tias yog tim cov tshuaj ntawv, thiab muaj qee zaus yus thaj teb nyob rau saum roob yus tua tas ntuj los nag ces ntws rau nram kwj ha tsiaj thiab neeg mus haus tau ces ua mob, vim li no tsoom fwv thiaj li txwv tsis pub siv lawm ces peb thiaj li rov xuas tes dob nroj li qub xwb.

#67 HMOOB_zibmes&piamthaj_*

Guests

Posted 21 June 2011 - 11:02 AM

Nyob zoo tij laug Zibmes&piamthaj kuv tau muab wb 2-3 zaj paj huam copy tso rau tom Hmoobtshavntuj lawm, tab sis kuv tsis tau kev tso cai los ntawm koj ua tij li, tej zaum koj ua tij yuav tsis xav li cas thiab yuav zam lub txim pub. Kuv tau checked spelling thiab kho qee qhov uas sau yuam kev rau lawm yog koj ua tij xav tias nws tsis tsim nyog thiab tsis zoo nkauj no kuv mam mus muab rho tawm los tau.
Ua tsaug ntau.

********************************************************************************************

Nyob zoo os kwv Kimpov thiab me muam Kzkz. nyob li ntawm tij laug ces tseem zoo siab uas neb tseem pab tij laug txog qhov muab cov zaj lus mus tso rau lwm qhov chaw kom lwm tus ho tau saib lawm yav tom ntej. hnub kuv sau rau huav no ces yog kuv twb tso cai rau sawv daws lawm. ua tsaug qhov koj ua kwv pab kho. tej yam tsis tshua raug qhov muag thiab lo tsis zoo neb nco ntsoov pab tij laug kho kom zoo. thov kom peb sawv daws sib pab ib yam li no mus ntev ntev tom ntej mog.

zibmes

#68 HMOOB_KP_*

Guests

Posted 22 June 2011 - 12:53 AM

Hmoob Lub Neej Ntu Tsov Rog Nyablaj

Txij ntua thaum........Fabkis swb rog
uas nws yog............1-9-4-5
Fabkis pib.............sau nra rov qab
mus rau sab............ntxeev ntuj nraum ub
ces lawv lub...........me txim ua rog
Hmoob thiaj yog........tus ris tag nrho
Fabkis tso.............lawv lub me nra
rau Hmoob nqa..........Hmoob ris Hmoob ev
lawv mus tsev..........lawv tso lub txim
Hmoob raug tsim.........vim pab Fabkis
Hmoob tau ris..........lub txim tag nrho
Nplog liab rho.........sawv tooj sawv hlau
maj mam thau...........pav tug zuj zus
pav txhua tus..........cov pab Fabkis
lawv mag ris...........fab kis lub txim
Nplog liab tsim........tsis ntshai tub qaug
Hmoob thiaj raug.......ntes coj mus kaw
mag xauv taw...........xauv tes txhua tus
mag coj mus............tu hmab kav theej
ces lub neej...........thiaj li tau xaus
lub hauv paus..........yog vim li ntawv
peb Hmoob lawv.........thiaj li khiav nkaum
rau puag saum..........tej toj roob siab
pos huab niab..........thiaj yuav dim siav
Hmoob thiaj khiav......rau ub rau no
tos Hmoob nco..........Meskas twb tuaj
thiaj rov muaj.........txoj kev tsov rog
ntawv txawm yog........Meskas tuaj pauv
Fabkis hauv............teb chaws Lostsuas
kev sib tuas...........thiaj rov sawv dua
thiaj rov ua...........rau peb haiv Hmoob
kua muag poob..........dua ib zaug ntxiv
Meskas siv.............Hmoob ua yawm sij
coj mus tsij...........rau tom tshav rog
ntawv txawm yog........Meskas tau thov
hlob Vaj pov...........los ua tus pab
Meskas thab............Nyablaj qaum teb
thiaj kom peb..........Hmoob nrog mus tua
Meskas ua..............tus sawv tom qab
es mam pab.............riam phom mos txwv
Meskas twv.............tua nrog Nplogliab
Nyablaj thiab..........Nplogliab koom tes
hos Hmoob ces..........tawg ua ob pab
muaj ib nrab...........mus koom Nyablaj
Lauj Faiv Ntaj.........Npliaj Yob tsev neeg
thiaj mus ntseeg.......mus pab Nplogliab
tshuav coob thiab......tab sis tsis tham
zoo hwj tsam...........mam piav kom txhua
kev sib tua............thiaj tau tshwm sim
muaj qee chim..........Hmoob rov sib tuas
yog muab xyuas.........mas tsis tsim nyog
kev ua rog.............tsuas loj zuj zus
tsis muaj tus..........yuav los daws tau
ces thiaj dhau.........ua ntsug rog loj
sib tua zoj............tau ib nyuag ntus
Nplog liab mus.........thov Nyablaj pab
ces nyob sab...........Noomhej kub ntxhov
hlob Vaj pov...........thiaj tau rhais chaw
mus cuab taw...........nyob rau Looj ceeb
thiaj tau teeb.........ua lub nroog loj
Meskas coj.............dav hlau tuaj pab
nyob rau sab...........Looj ceeb xas thoos
thiaj yog moos.........yog chaw cuab zog
kev ua rog.............thiaj rov sawv dua
thiaj sib tua..........loj dua yav tas
toj roob nras..........uas nyob Xeev khuam
ib sij huam............yog chaw sib tua
muaj ntau pua..........tus tub rog Hmoob
tau nyob thoob.........toj roob hauv pes
qhov ntawv ces.........lawv hu ua khaib
Hmoob raug faib.......mus kawm dav hlau
kuj muaj ntau..........tus tub hluas Hmoob
uas nyob coob..........rau sab looj ceeb
tau lub keeb...........tshaj lij dav hlau
lawv kuj tau...........kawm tsav nyab hoom
tau lus foom...........ua tub tshaj lij
thauj ntau fij.........me npoos mus yuj
coj mus tsuj...........rau Nyablaj liab
tuag sis niab..........puv toj puv pes
Xeev khuam ces.........qhov npoos liab vog
npaum nkaus nplog......laij liag cog nplej
yam li tej.............teb uas yus hlawv
nplaim taws sawv.......txij ib nta ntuj
dav hlau yuj...........tas hnub tsis so
pa taws ncho...........cuag Hmoob hlawv teb
tiaj rhawv zeb.........muaj neeg tuag coob
tsis hais Hmoob........los yog Nyablaj
tuag coob tshaj........mas yog Nplog liab
muaj ntau txhiab.......tus me peeb zeej
tag sim neej...........rau tiaj rhawv zeb
sab qaum teb...........ntawm xeev xeev khuam
yawg Kais xuam.........thawj coj Nplog liab
thiab ntau txhiab......tus me tub rog
uas lawv nrog..........Kaisxuam ib phaum
tau khiav nkaum........rau hauv qhov tsua
lawv teeb ua...........lub yeej tub rog
mas nws yog............nyob rau Vias xais
thaj chaw hais.........no nyob Xas niam
nyob puas ciam.........rov sab Nyablaj
hlob Pov vaj...........uas nyob looj ceeb
thiaj tau teeb.........ib lub yeej rog
uas nws yog............nyob rau pham thij
tsoom kwv tij..........nyaj nej yuav nco
lub roob no............yog roob zeb tsuas
kev sib tuas...........yeej tsis tau xaus
Hmoob cov laus.........cov hluas txhua tus
thiaj tau mus..........ua tub rog tag
hais tsis dag..........kuv txiv tus kheej
los twb yeej...........tau ua tub rog
tau mus nrog...........Nplogliab sib tua
thiaj tau ua...........rau nws xiam hlwb
vim mos txwv...........ya ntob pob kub
ntuj kuj rub...........tsis pub txiv tuag
txiv thiaj vuag........tau nws txiaj siav
yog yuav piav..........mas yeej yuav ntev
ces lam tev............me me li no
vim kuv ho.............yug tau tom qab
ces laj fab............tswv yim tsis txaus
raws cov laus..........thiab raws keeb kwm
uas tau zwm............sau tseg cia mas
Mes lis kas............tau kom Vaj pov
thiab peb cov..........me tub rog Hmoob
uas nyob coob..........rau sab looj ceeb
sib zog txeeb..........kom tau xeev khuam
tua Kais xuam..........txeeb yuav Xas niam
hos me riam............me phom mos txwv
mas tsoom fwv..........Mes kas mam pab
txawm raug sab.........los ua siab loj
yog tias txoj..........hmoo ho lam zoo
ho txeeb loo...........tau ob lub xeev
uas kuv teev...........npe saum toj no
yuav mauj hlo..........los ua Hmoob li
tsaus ntuj nti.........rau Hmoob lub neej
vim tias pheej.........sib tua tsis so
tos Hmoob nco..........twb tuag coob heev
ob lub xeev............Xias khuam Xas niam
muaj poj niam..........coob tus ua ntsuag
poob kua muag..........vim tias txiv xiam
tsuas tshuav niam......tu cov me nyuam
kev kob huam...........thiaj li raws cuag
vim txiv tuag..........rau tom tshav rog
ces tsuas yog..........hnov lub moo tuag
lub ntsej muag.........ces yeej tsis pom
vim nyob tom...........tshav rog kub ntxhov
muaj qee cov...........muab tau los tha
rau neej tsa...........kwv tij tau pam
rov qab tham...........txog kev sib tua
nyob txhua txhua.......lub me ncov roob
tub rog Hmoob..........yeej nyob txhua nrho
nyob puv nto...........tej me kaum hav
ua rog nyhav...........yog xyoo 6-8
Mes kas tsim...........riam phom mos txwv
xa nrov fwv............tuaj rau looj ceeb
Vaj pov teeb...........muaj ntau lub khaib
sib tua haib...........mas yog peb Hmoob
nyob saum roob.........muaj tshav dav hlau
yeej tsaws tau.........txhua lub sij hawm
Vaj pov tawm...........los tshaj lub xo
tua zaum no............kom txhob txuag siav
tej laus piav..........saum ib nta ntuj
dav hlau yuj...........tas hnub tas hmo
Mes kas tso............li 2 lab tonnes
ntau tshaj mas.........yog cov npoo npib
pov sib tib............puag nram qab teb
ti rhawv zeb...........xeev khuam xas niam
tuag coo diam..........nyob rau xyoo no
zoo li ho..............tsis muaj tsawg xyoo
los txog loo...........xyoo xya caum tsib
Meskas pib.............swb cai ua rog
nws tsis yog...........swb kev sib tua
UN ua..................tus tuaj txiav txim
Mes kas thim...........thiaj tsis ua rog
yeeb vim yog...........lawv swb txoj cai
Mes kas ntshai.........ces tso tes plau
thiaj ua rau...........peb haiv me Hmoob
kua muag poob..........tawm los ntws sis
lub 5 hlis.............1-9-7-5
Vaj pov pib............khiav tawm teb chaws
Hmoob sawv daws........thiaj tawg sab sua
khiav puv ntua hauv qab ntuj no lawm xwb tiag Hmoob!

Tsuas yog lam sau rau sawv daws tau nyeem ua si xwb, yog tias lo twg tsis zoo mloog los sis tsis raug no thov neb 2 tug ua tij ho pab kho rau thiab, yuav muaj lus ua neb tsaug.

#69 HMOOB_zibmes&piamthaj_*

Guests

Posted 22 June 2011 - 09:09 AM

thaud fab kis tuaj tsuj teb chaws
tuaj mus aws txhua txhia thaj av
rau nws kav nce se rau lawv
hauv lawv plawv xav ntsoov txog nyiaj
ua cas thiaj yuav muaj nyiaj ntau
lawv thiaj sau se pej xeem
kom caub kheem yog tus los pab
thiaj xuas hnab mus sau hmoob nyiaj
fab kis thiaj mus txog hmoob zos
sau se los hmoob them tsis taus
fab kis ntaus tias yog hmoob phem
hmoob txom nyem luag tsis quav ntsej
hos hmoob tej me ntxhais zoo nkauj
raug luag thauj luag coj mus yuam
hmoob ruam ruam hmoob ua tsis taus
ces tej laus tsuas los zaum quaj
txoj kev nyuaj ntawm hmoob lub siab
ua ntshav liab nce hmoob taub hau
hmoob sib sau los mus sib tham
los tawm tsam txoj kev lim hiam
thaiv hmoob niam hmoob txiv pej xeem
hmoob ib feem los siab tsis ncaj
fab kis daj thiaj tuaj ntxias tau
thiaj au rau hmoob tuag tsi sua
fab kis tua hmoob lim hiam heev
ntaub ntawv teev tias cov fab kis
muab hmoob tis ua tej tshwb tshais
rho riam hlais txiav hmoob caj dab
rog phim npab yog sawv caij no
raws li nco paj cai tuag tas
fab kis mas lawv ua liam tshaj
khi tsheej nqaj peb txiv neej hmoob
thaum txiav poob hmoob lub taub hau
fab kis sau coj mus txi dab
ua tau npab npaum no tiab lawv
tos hmoob sawv los nrog tawm tsam
yog muab tham mas tu siab tshaj
fab kis daj txov hmoob noob neej
hmoob coob leej thiaj tau tuag lawm
thaum sij hawm fab kis swb rog
hmoob cov nrog fab kis koom tes
rov raug ntes mus tua mus tsim
mus nyob txim nyob tsev tsaus ntuj
tej quas puj los tsis hnov xov
moo tsis nrov mus lawm ntsiag txiaj
mes kas thiaj tuaj txeem av nplog
ua nws yog thaj chaw hmoob nyob
luag tsoom hlob thiaj coj mes kas
raws hais mas tuaj ntsib vaj pov
lawv thiaj thov kom hmoob los pab
nyob rau sab nplog yav qaum teb
npuab mus deb caim av nyab laj
lawv thiaj npab tswv yim txw hmoob
yaum kom coob sawv sib tawm tsam
muaj laj kam nyiaj hli tsis muaj
thaum hmoob tuaj sib sau tau coob
zov puv thoob nyob ntawm ciam teb
luag xav seb yuav ua li cas
yog li mas yuav tsum faib hmoob
thaum xav thooj thiaj tsa faiv ntaj
ua tus tshaj hais rau hmoob neeg
lawv yeej ntseeg tias hmoob tua hmoob
txawm tuag coob los hmoob pej xeem
lawv tseem seem pej xeem nyob txhua
hmoob sib tua rog loj li loj
vaj pov coj ib pab nrog nplog
faiv ntaj yog tus coj lwm tog
hmoob ua rog hmoob sawv sib tua
tuag ua sua puv txhua kaum hav
nyob rau yav lub nroog xeev khuam
hmoob me nyuam muaj niam ntsuag txiv
ob tog chim tig rov sib ntxub
hmoob sib hlub ces thiaj tu ncua
hmoob sib tua yam tsis txuag siav
suab hmoob nyiav tas hnub tas hmo
vim tib qho hmoob rov tua hmoob
thiaj li poob xyoo 70-3
luag ntiaj teb kom los sib tham
tej laj kam neeg sawv sib tua
sib txeeb ua tus tswv los kav
lawv sib cav thiaj sib tham haum
ces muab xaum los mus kos npe
nplog liab ntse thiaj siv tswv yim
mes kas thim hos nyob laj tuaj
cov nraug nkuaj los tso kom tas
txuas ntawv mas xyoo 70-5
nplog liab pib ntes txiv huab tais
coj nws pais mus kaw xas niam
ces thiaj xiam thiaj ploj mus lawm
nplog liab txawm ntes yawg phas nyas
qhov ntawv mas yog yawg faiv ntaj
qhia ncaj ncaj faiv ntaj tswv yim
yog tus tsim phas nyas thiaj tuag
caij ntawv luag tias txov hmoob noob
tua kom thoob tog hmoob vaj pov
faiv ntaj cov tub rog tuaj tua
hu hmoob ua cov niag caub fab
cov phim npab cov dab vaj pov
hmoob rov txov hmoob li pej xeem
kom txhob seem nyob rau av nplog
thaum tuaj txog ntawm hmoob ntug zos
lawv kuj los nrog hmoob sib tham
thaum sib cam hais tsis sib haum
cuag hmoob txhaum rau cov tub rog
luag loj zog hlua coj lo khi
tsis pub nti phom twb hauv pliaj
ces luag thiaj cab txog hav fab
suab phom ntab mus txog ces tuag
lub kua muag hmoob ua rau hmoob
yog xav thoob mas tu siab heev
cov hmoob xeev lawv yeej paub txog
thaum ob tog hais tsis sib haum
hmoob rov caum hmoob raws hmoob tua
thiaj li ua ib co siab fab
caum vaj qab khiav raws vaj pov
muaj ib cov uas khiav tsis dhau
mus qhau hau ua neeg lag ntseg
luag tsa ceg los yuav tau nkag
niam no ntag nyob tim nplog teb
tseem ntxub peb cov uas khiav dhau
cov qhau hau lawv los tsis nyiam
niaj hnub liam tias yog caub fab
hais txog sab hmoob sib ntxub hmoob
nws yuav poob mus lawm tsawg xyoo
thiaj rov zoo rov sib hlub dua
ntxhe yog pua los sis yog txhiab
seb hmoob siab puas yuav hloov tau
rov sib sau los sib dua os hmoob aw!!!!!!!!!!!!!!!

kuv xav kom thaum sawv daws nyeem peb cov lus no lawm ho thim xav thiab tig los sib hlub. kev tswj teb kav chaw cia rau nom tswv es hmmob pej xeem kom xav tias peb yog ib tsob noob no mog lawv.

#70 HMOOB_zibmes&piamthaj_*

Guests

Posted 01 August 2011 - 11:16 AM

Nyob zoo os bawg Kim pov & me muam Kzkz nrog ib tsoom phooj ywg sawv daws. nej nyob li cas lawm xwb. puas yog nej tsiv tawm ntawm thaj chaw no lawm los cas tej chaws yuav nyob nphob xuav lawm. hnub no kuv rov tuaj txog pom nej tej qub lw mas kho siab kawg li. nco nej s/d kawg os.

zibmes

#71 HMOOB_txom huam_*

Guests

Posted 05 August 2011 - 09:59 AM

lub teb chaws no av tsis zoo qoob,
tub ntxhais hmoob thiaj tau khiav lawm tag
tsis yog dag yeej hais tiag tiag li
muaj raws li koj tau hais los
tsis txhob tos nyob ntawm no lawm
kav tsij tawm mus saib dua lwm tshooj
qhib qhov rooj nrhiav rau lwm phab
tsis txhob thab nnyob tos ntawm nov
nws tseem ntxov tsis tau lig rau koj os!

#72 HMOOB_txom huam_*

Guests

Posted 10 August 2011 - 10:07 AM

dhuav dhuav kuv   txog txij no lawm
kuv thov tawm     dej txiag npaj no
kuv tsis kho      cov neeg ntais ntuj
kuv tej txuj      cia coj puag pw
ua tshuaj tsw     qab pub rau maiv
thaum kuv khaiv   nws thiaj sawv tsees
me ntseg ntsees   zoo ntxim hlub tshaj
wb maj maj        kho chaw saum txaj
pw ua qaj         lub suab nrov nrov
nyooj li tsov     nyaum li npaum hma
tsis thov nqa     nej lawm mog lawv!!

#73 HMOOB_kimpov_*

Guests

Posted 11 August 2011 - 06:52 AM

zibmes&piamthaj, on 01 August 2011 - 11:16 AM, said:

Nyob zoo me tij laug Zibmes&piamthaj, me muam kzkz thiab tsoom phooj ywg s/d kuv thov txim ntau vim tseg tau ntev heev lawm tsis tau khoom rov tuaj saib nej s/d kuv yeej nco nej s/d kawg nkaus tab sis vim nyob lub teb chaws txom nyem ces khwv khwv tsis tau so li es thiaj tsis khoom rov tuaj lawm xwb. Kwv ua kwv tseem noj qab nyob zoo li qub thiab.

Ua tsaug ntau. Sib ntsib dua.

#74 HMOOB_333_*

Guests

Posted 11 August 2011 - 07:43 AM

kimpov, on 11 August 2011 - 06:52 AM, said:

kuv thov tuaj hais qhia lub ntsiab
yog neeg tshiab tuaj xyuas nej xwb
kuv no twb tsis tau tuaj dua
tej chaw tshua uas nej nyob no
yog chaw nco ntawm peb txhua tus
tsis xav mus khwv noj khwv haus
lub ntuj tsaus los tseem xav nyob
nej tsis txhob nov qab kuv thiab
kuv lub siab tsuas yog nco nej
yam tus dej ntws huam loj zus

nej txhua tus thov nco txog kuv thiab mog lawv!!!

#75 HMOOB_kimpov_*

Guests

Posted 26 August 2011 - 08:58 AM

Nyob zoo tij laug Zibmes&piamthaj thiab tus muam kzkz, zoo siab uas tau rov tuaj ntsib neb dua nyob 6 hnub no. Neb 2 tug ua tij puas tseem noj qab nyob zoo li qub thiab os?, kuv ua kwv vam tias nyaj neb yuav noj li qub nyob li qub. Ntawm kuv tus kheej tseem noj li qub nyob li qub.
Kuv thov txim ntau ntau uas tseg tau ntev heev no lawm uas kuv tsis tau tuaj ntawm no thiab tsis tau tuaj ntsib neb li lawm, yeeb vim yog muaj hauj lwm ntau yam es thiaj tsis tau tuaj lawm xwb, vam tias nyaj neb 2 tug ua tij yuav zam txim pub kuv thiab.

Hais 6 kuv me leej muam kzkz, kuv mus ntev ntev es rov qab tuaj saib 3 lub me zos Hmoob Tshav Ntuj no ua cas txawv tag li lawm, qhov rooj kaw nti lawm xwb, yeej tseem hnov kuv tej me phooj ywg s/d sib tham lom zem xauv npo li qub ntag tab sis ua cas kuv nkag los saib nej tsis tau li qub lawm, puas yog kuv me muam muab ntshav dev pleev qhov rooj lawm os, kuv tsis muaj khawv koob thiab tsis muaj txuj ci siab dab tsi ces kuv daws tsis tau kuv me muam zaj yees siv es nkag tsis tau los saib nej thiab nrog nej tham li lawm os.
Kuv mus ua teb los lawm, kuv kuj mus npaj tau daim puav duab npaj yuav coj tuaj tso 6 tsoom phooj ywg s/d tau saib ua si ua lub chaw tshua no tab sis kuv nkag tsis tau los lawm, thiab zoo li kuv tus password siv tsis tau li. Kuv twb pom tej yam teeb meem uas tsis zoo thiab koj li lus tshaj tawm tag lawm, kuv nco nej s/d kawg nkaus li os.
Yog kuv me muam tau tuaj txog ntawm no ces thov teb thiab qhia koj me nus toj siab no nawb mog.
Li no xwb mam nyob zoo neb mog. Sib ntsib dua.

#76 HMOOB_txhom huam_*

Guests

Posted 26 August 2011 - 10:15 AM

kim pov e! nkawd tsis tau tuaj
nws tsuas muaj kuv ib leeg xwb
kuv no twb tsis tau paub nej
yav nram ntej tej kev sis tham
kuv tsuas lam tuaj ncig ua si
kuv thiaj li tau tuaj ntsib koj
rov tuaj ntoj tej nyuag qub lw
tej chaw pw nuam yaj ua si
yav thaum i nej ib txwm nyob
thov koj txhob ntaus nqi li cas
lus hais mas tsuas yog sis ntsib
yam tej dib hmab hlav sis tshuam
tuaj sis khuam tau ua ke xwb
kuv no twb tsis tau ntsib nej
yam li tej nkauj muam nraug nus
tsis tau mus nyob tsawg sis tham
zaum ib tsam nuam yaj ua si
kuv thiaj li qhia rau koj paub
kom to taub tias yog ntsib kuv
tuaj mus thuv ncig ntuj sis ntsib
yog lwm thib tau rov sis pom
kuv thov kom muaj caij sis tham
mam xwv xam peb kev noj nyob
los sis cob sis qhia mus mog!!!!!!

#77 HMOOB_zibmes&piamthaj_*

Guests

Posted 06 September 2011 - 08:39 AM

tus kwv Kimpov, me muam Kzkz thiab ib tsoom phooj ywg. ntev loo lawm tsis tau tuaj saib nej. nej sawv daws puas nyob zoo thiab. kuv los tseem nyob zoo thiab os. caij summer twb yuav dhau mus tsis ntev xwb ces twb yuav los snow ntawm kuv no tiag os. kho siab kawg li. hnub puav mam rov tuaj sau paj huam kho siab dua nawb.

#78 HMOOB_Kim pov_*

Guests

Posted 07 September 2011 - 03:48 AM

zibmes&piamthaj, on 06 September 2011 - 08:39 AM, said:

Nyob zoo me tij laug Zibmes&piamthaj, zoo siab hnub no rov tau tuaj sib ntsib dua, tseg tau ntev kawg lawm uas kuv tsis tau tuaj ntsib koj ua tij thiab tsoom phooj ywg s/d li, kuv thov txim ntau vim muaj hauj lwm ntau tsav yam khuam tes lawm es thiaj tsis tau tuaj lawm xwb. Ua tsaug ntau 6 koj ua tij cov lus sau 6 me muam Kzkz wb nawb mog. Ntawm kuv tus kheej los kuj tseem noj qab nyob zoo li qub thiab xwb.
Li no xwb, mam sib ntsib dua lwm zaus.
Ua tsaug ntau. KP.

#79 HMOOB_Kim pov_*

Guests

Posted 09 September 2011 - 07:43 AM

txhom huam, on 26 August 2011 - 10:15 AM, said:

Nyob zoo me phooj ywg "Txhom Huam" zoo siab uas koj tau tuaj koom 3 s/d ntawm no, muaj txuj muaj tswv yim dab tsis zoo los txhob ua siab deb es ho muab sau tso 6 ntawm no 6 s/d tau nyeem ua si es thiaj tsis laj laj nyob os mog.
Ua tsaug ntau.

#80 HMOOB_zibmes&piamthaj_*

Guests

Posted 13 September 2011 - 12:11 PM

Kwv Kim pov. kuv tau saib ib daim movie hais txog ib txwm hluas nkauj thiab hluas nraug mus tuag rau saum lub roob tsua mas tus siab kawg. nkawv tau mus tuag ua ke yam tsis muaj neeg yuav nrhiav txog nkawv txog thaum nkawv twb lwj tag lawm. raws kuv saib mas nkawv txoj kev hlub no loj kawg nkaus, tab sis vim nkawv tseem hluas es nkawv pab tsis tau nkawv ces ntshe nkawv thiaj txiav txim siab mus tuag lawm. saib mas tub huaj yaj thiab tus ntxhais Pajnyiag Lis nkawv ua tau tu siab kawg li. kuv xav lawm tias yog hnub tug kuv tau los mus rau hauv laos kuv yuav mus saib thaib tsim ib tug ncej pobzeb ua nkawv txoj kev hlub tseg rau nkawv txoj kev hlub no. koj ua kwv puas tau mus txog dua lub zos Phamdais no thiab. ua li qhov kuv xav no puas zoo thiab kwv.

tijlaug Zibmes

#81 HMOOB_Kim pov_*

Guests

Posted 14 September 2011 - 07:43 AM

Nyob zoo os tij laug Zibmes, zoo siab rov tau ntsib koj ua tij hnub no.

Yog tias nws yog movie xwb ces kuv xav tias kav liam tsis ua zoo dua, yog tias muaj tseeb tiag no yeej txaus tu siab thiab pab hlub nkawm hluas nkauj hluas nraug no kawg nkaus li, yeej tsim nyog ua li koj ua tij hais lawm, ua 1 daim phiaj zeb thiab muab nkawv txoj kev hlub sau zwm tseg cia rau neeg ntiaj teb tau paub thiab tau pom ua keeb kwm tseg, tab sis vim lub teb chaws no tsis yooj yim li xav ces kav liam tsis ua zoo dua os tij laug.
Hais txog lub zos Phamdais no mas kuv tsis tau mus txog li tab sis kuv kuj muaj kwv tij txheeb ze nyob nrav thiab.

Ua tsaug ntau rau koj ua tij lub siab dawb siab zoo, xam pom lwm tus txoj kev tsaus ntuj os mog.
Li no xwb sib ntsib dua.

Kimpov

#82 HMOOB_RuamThiabRuam_*

Guests

Posted 14 September 2011 - 12:00 PM

Tuag nyob nyuag li ntawv xwb!!! Pom xeeb tuag mas tuag kom nrov nrov thiaj li tsim nyog yug los ua tib neeg nyob ntiaj teb es kom cov nyob rau tom qab tshua tshua yus mas thiaj li tsim nyog paub... Twb tseem yog nyuag movie thiab xwb, tsis txaus tu siab kiag li os.

#83 HMOOB_zibmes&piamthaj_*

Guests

Posted 14 September 2011 - 01:42 PM

Bawg RuamthiabRuam. koj hais li ko los tsis ua cas tab sis nws tsis yog movie action. nws yog tiag. tej zaum nws tsis yog koj li txheeb ze tsis yog me tub me ntxhais ces kuj tsis tu koj siab. tab sis lawv cov niam txiv ntawm ob tug me nyuam no twb tu siab tsis txawj tag. yog nej xav paub ces mus nug tus tub txiv nws hu ua Vajsua Yaj nyob lub zos phamdais. ob tug me nyuam no sib pus tuag rau lub 5 hli xyoo 2009. nyob saum lub tsua Phamthaus ze ze ntawm lub zos Phamdais. nkawm yeej tsim tau zaj dab neeg no tu siab kawg li. qhov no neeg zej zog nyob thaj tsam nram phammeoung thiab phamdais yeej paub zoo.

#84 suab sab

Advanced Member

Members
65 posts

Posted 14 September 2011 - 03:13 PM

tusnpawg kim pov thiab tus npawg zib mes & pem thaj aw yog neb hais li neb mas ntshai cov movies liab qab uas peb hmoob tau coj los saib tim mekas no mas ntshai

yuav yog neb mus ua lawm ntag nawv peb kuj tsis paub hais tias cov movies liab qab ntawm yog leej twg no tias sis zaum no peb kuj paub zoo lawm nawv mas cov

nam liab qab no nej kuj mus muab cov ntshais hmoob nplog ua txaus nej siab tas lawm thiab yom. nej kuj mus muab cov ntxhais hmoob nplog ntawm li dev thiab npua

txaus nej siab tas lawm thiab tseem muab ua ntawm ua movies lawm hiab mas kuj zoo rau neb ob tug npaug hlob thiab npaug you ntawm neb thiab txawm neb yuav

txawj cuag li neb hais ntawm neb los ntshai neb tej nyiaj twb poob ntau dhau lawm os ob tug npaug lub zog loj thiab lub duav nchav kuv xav mas ntshai yuav zoo

rau neb xwb es tsam cov thaub laus laus ces yuav nkim nws cov nyiaj uas yuav mus muab cov ntxhais mos mos tim nplog teb ua lev tsab lev pua ces mws lub zog

ho yuav tsis luaj li neb ces cov ntxhais ntawm yuav muab cov thaub laus ntawm ntxais ntshav tas ces los tsis txog tim mekas no ces nws cov poj niam me nyuam

nco lawv xwb tiag ob tug npaug zog loj thiab zog nchav lom zem kawg tsam zab ho yuav ntxhias tsov noob qes ci noj xwb ua tsaug os ob tug npaug zog loj

#85 HMOOB_Kim pov_*

Guests

Posted 14 September 2011 - 08:42 PM

suab sab, on 14 September 2011 - 03:13 PM, said:

Nyob zoo me phooj ywg Suab Sab, thov txhob hais li ko mas lov, hais lus li koj hais no nws tsis zoo hloog thiab tsis yog lus lawm laiv tij laug, hais txog tej koj tham no tij laug Zibmes wb tsis paub nawb mog, ua neeg nyob yog yus paub tsis meej los sis tsis muaj tim khawv txaus no txhob lam tau lam hais lus tso ya li ko laiv tij laug tsam tau 4 laiv yawg, yuav tsum xyaum hais lus kom tsim nyog yus yog ib tug txiv neej yawg hais lus tom hniav nkawv tso zis tuav q-au rawv pob es luag tej thiaj li saib yus 6 nqi mas tij laug! Vam tias nyaj koj yuav to taub kuv cov lus zoo lawm vim koj yeej tsis yog 1 tug me nyuam yaus lawm na!
Ua tsaug ntau.

#86 HMOOB_Kim pov_*

Guests

Posted 14 September 2011 - 08:50 PM

zibmes&piamthaj, on 14 September 2011 - 01:42 PM, said:

Nyob zoo tij laug Zibmes, zoo siab rov tau sib ntsib dua.

Kuv twb tau saib daim movie uas koj hais no lawm thiab, yeej txaus tu siab thiab hlub nkawv 2 leeg kawg nkaus li. Txawm luag tej yuav hais li cas los xij, tab sis ntawm kuv tus kheej yeej hlub tshua nkawv kawg nkaus, tsuas yog muaj qee tus neeg uas tsis txawj xav, tsis muaj siab muaj ntsws, tsis txawj hlub tshua yus haiv hmoob thiaj li hais li ub li no xwb.
Thov kom nkawv 2 tug ntsuj plig mus nyob kaj siab lug raws li nkawv lub siab ntshaw.
Ua tsaug ntau.

#87 HMOOB_Kim pov_*

Guests

Posted 14 September 2011 - 11:08 PM

zibmes&piamthaj, on 13 September 2011 - 12:11 PM, said:

Nyob zoo tij laug Zibmes,

Ntuj teb os..........leej muam Pajnyiag
Sib hlub tiag..........zoo npaum wb no
cas wb ho.........thiaj tsis sib tau
sib hlub dhau..........yuav ua li cas
hlub koj tas..........npaum li no tiag
nrug ib pliag..........siab yeej tsis kaj
Tub Huajyaj..........tus neeg koj hlub
txij ntua hnub.........wb tau sib hlub
txog niaj hnub..........tam sim no lawm
txog sij hawm.........yuav tuaj coj koj
ciav taij zoj..........kuv niam kuv txiv
lawv txawm siv..........txiav wb kev hlub
lawv tsis pub..........wb los sib yuav
hais txiav npluav..........tias tsis txwm phaj
Tub Huajyaj..........zoo li kuv no
tu siab nrho..........tias tag zaum no
es koj ho..........puas hlub kuv tiag
Lis Pajnyiag..........tus neeg kuv hlub
lawv tsis pub..........wb los sib tau
los sib sau..........ua txij nkawm ces
tig los es..........kuv hais koj mog
sim neej no..........yeej hlub koj tshaj
xav tsawg zaj..........los tws hau kev
thov koj cev..........koj txhais me tes
tuav kuv es..........wb mus ua ke
sib pus nce..........lawm sawm hauv tsua
muab txoj hlua..........khi wb caj dab
sib puag npab..........dai tuag ua ke
tseg lub cev..........rau cov laus quaj
hmoov tsis muaj..........nyob rau tiam no
ua siab tso..........lub ntiaj teb cia
wb txoj sia..........tu nrho lawm tiag
suav txij kiag.........hnub no lawm tov
yuav tsis ntxhov..........wb siab ntxiv lawm
kev txij nkawm..........wb tau ywj siab
pib dua tshiab..........nyob lwm lub ntuj
wb tus ntsuj..........mam li huab xyw
ya sib tw..........mus ua ib ke
sib puag nce...........lawm saum ntuj ntsuab
ua me huab..........me nag me cua
yog muaj dua.........lwm tiam tiag no
wb mam ho.........mus thov ntawv tshiab
mam thawj thiab rov fab lwm tiam mog leej me muam !

Ua cas es txoj kev hlub yuav mus mus zog ua luaj li tiag os yom tij laug? pab hlub nkawv kawg nkaus li os!

Hais 6/3/1 tsoom hmoob yog leej twg muaj tub muaj ntxhais sib nyiam lawm no los yuav tau tsis txhob lam tau lam txwv lawv tej kev hlub thiab nawb, nyob ntawm lawv xwb, tsuav lawv sib yeem thiab sib hlub tsis txog yus ncauj yus lus lawm ces kav liam thiab nawb, tab cuag li huab tais tsev neeg kiag nus muag tseem sib yuav tau na, yuav tsum xam kom pom deb thiab txhob ntsia ntawm yus ko taw xwb nawb lawv?

Ua tsau ntau.

#88 HMOOB_zibmes&piamthaj_*

Guests

Posted 16 September 2011 - 09:54 AM

txoj kev hlub   thiab txoj kev ntshaw
tau ntawm taw   tuav nyob ntawm tes
zoo no ces      tsis xav pub plam
txoj kev vam    thiab kev cia siab
nws yuav tshiab  yam li paj nra
nws tsw ha       npaum nkaus nplej caug
kev nkauj nraug  thaum lawv sib nyiam
txiv thiab niam thov tsis txhob txwv
cov ua kwv thiab thiab cov ua muam
qhov lawv ruam   vim lawv tseem yau
lawv xav tau    yog kev sib hlub
yog nej ntxub   thiab nej los tav
qhov lawv xav   ces yog kev tuag
kuv yuav luag   zoo yam tub huaj
tus ua ruaj     siab rau kev hlub
muam nkauj hnub  ho tsis ua tiag
yam paj nyiag    thiab kwv huaj yaj
pom nkawv zaj   dab neeg kev hlub
ua kuv lub     kua muag ntws tawm
cas tus cawm   ho yuav tsis muaj
es tub huaj    thiab muam paj nyiag
thiaj tuag kiag  ncaim peb mus lawm
yog sij hawm    muab tig tau rov
es nkawv hnov   xav hais lus qhia
tias ib txhia   lawv lub kev hlub
nws tseem dub   tshaj li ntaub dub
tshaj dua hnub  thaum lub ntuj tsaus
kuv tus laus    twb ntsib los lawm
muaj tus cawm   kuv ciaj hnub no
ua cas ho       pab tsis tau nkawv
kuv lub plawv   xav mas tu siab
thov tiam tshiab kom nkawv muaj hmoo
tau ntawv zoo  los ua txij nkawm
kom hmoov sawm  pub nkawv sib tau
los sib sau    kom ciaj ib yig
thov ntuj tig  txoj hmoov kom ncaj
kom lwm phaj  pub nkawv lwm tiam
txhob pub piam  thiab plam dhau mus
ho hais lus    rau peb cov nyob
leej me yau  dhau rau leej hlob
kom nej txhob  ua ib yam nkawv
niam txiv lawv  khwv khwv tu nej
neej tom ntej  nej tseem tshuav deb
lub ntiaj teb   pom tsis tau txhua
tej mab sua    li kev vam meej
uas koj yeej   tsis tau pom txog
tseg nawb mog  txhob hais kev tuag
kev ua ntsuag  tub thiab ntsuag kiv
niam thiab txiv  lawv tsis xav tau
ho hais dhau   rau zos pham dais
yog nej pais   txog tsua pham thaus
muaj caij txaus ho nce mus saib
yuav qhia laib   nkawv zaj dab neeg
ob tug neeg     txoj kev sib hlub
ntawm tus tub   huaj thiaj paj nyiag
yeej muaj tiag  tsis yog lam dag li nawb ib tsoom phooj ywg.

thov txim ntawm tub huaj niam thiab txiv nrog rau paj nyiam niam thiab txiv.  kuv sau zaj paj huam no hais txog kev sib hlub los vim yeej muaj ua ntu zus los rau ntawm peb haiv hmoob. es nej zam txim pub kuv thiab.  yog lwm muaj dua tom ntej no thov sawv daws ho hais zoo rau tej me nyuam es lawv thiaj tsis tuag li nkawv. hos tej me nyuam los yog thaum pom nyuaj lawm txhob xav txog kev tuag yuav tsum mus nrhiav kev pab.  txoj kev kho siab ces peb leej tib neeg yeej ntsib txhua tus nawb lawv.  ua tsaug

#89 HMOOB_zibmes&piamthaj_*

Guests

Posted 13 December 2011 - 10:56 AM

niaj xyoo tshiab twb los txog lawm
los peb kawm hmoob li kev dab
hais txog fab hmo hnub peb caug
tias tej laus lawv ua li cas
hnub qaij das mus nkaus taw qaib
cov laus qhaib ib txoj sawv nqeeb
txiav los teeb ib tug pos ncag
sawv daws nkag hauv qab sawv nqeeb
tus laus txheeb vij sub vij sw
muab qaib tw qaib tis los nplawm
kom khiav tawm hauv hmoob lub neej
kom hmoob yeej vij dab vij npog
xyoo tshiab txog tsis tseev kom pom
tua 3 phom thaum lwm qaib dhau
ho hais rau sij hawm tom tsev
me niam tsev ntes ntho me qaib
cob me naib kom los pab tuav
ces niam nchuav ib taig me ntxuv
ntim puv puv muab qe tso rau
niam kuj thau 3 tswm me xyab
txhos nruab nrab ntawm cov me qe
niam thiaj nte kom txiv hu plig
pom xyab cig ncho pa tsuj tsawv
txiv nqee lawv cov niam txiv ntsuj
tias hmo ntuj xyoo tshiab los txog
tus poob plog los kom sawv tsees
mus ua plees los kom rov qab
thov pab xyab mus raws mus tav
puag qab hav lawm puag qab roob
me plig qoob plig nyiaj plig kub
tag plig tub plig niam plig txiv
pa xyab fiv kom rov los tsev
hu lawm ntev ces muab kuam ntaus
yog khwb nkaus ces los lawm tiag
txiv muab kiag tus xyav ncwm qaib
ces me naib tuav qaib niam tua
thaum lawv ua nqaij tiav nco log
lawv hu txog kwv tij zej zos
tuaj nrog tos lub me xyoo tshiab
lawv noj tsiab yog tua las npua
thaum noj dua mam npaj xwm kab
txiv tuav xyab thiab lau qaib cog
los fij txog tus dab xwm kab
kom los pab pov vaj pov tsev
pov txog kev uas yuav tawm rooj
tshuav ib txhooj yog pov nyiaj kub
txwv 3 hnub tsis pub siv nyiaj
tej laus thiaj pheej caiv li no
ib tag hmo sawv los cuab npua
huab sawv dua tshwm rau xiab ib
tej laus qhib me tsoos tshiab tshiab
ab mos liab lawv los hnav txhij
tag kwv tij zej zos sawv daws
tuaj sib raws sib ntsauv sib tham
pom hnav zam mas tshiab khwb khiv
cov yog txiv tuaj mus xaiv nyab
cov ntxhais sab yog niam xaiv vauv
tuaj sib ntsauv pov pob zom zaws
tag sawv daws lom zem kawg li
luag ntxhwb ntxhi hais lus qab zib
tus yuav pib li cas muaj txhua
peb caug dua muaj tus tau nyab
tshuav qee pab tseem ua nraug seem
mam li xeem mus tham qhov tsev
hais txog kev noj peb caug ces yog li no mas mlawv.

Back to DR.Hmoob ** KEV CAI DAB QHUAS HMOOB

Reply to this topic

0 user(s) are reading this topic

0 members, 0 guests, 0 anonymous users